আজি ডিব্ৰুগড় জিলাৰ নাৰকটীয়া অঞ্চলৰ পৰা আটক হয় নিষিদ্ধ ঘোষিত উগ্ৰপন্থী সংগঠন আলফা(স্বাঃ)ৰ এজন সদস্য।
এই আলফা(স্বাঃ)ৰ সদস্যগৰাকীক নাহৰকটীয়াৰ সমীপৱৰ্তী কলাইপানী গাঁওৰ পৰা ৰাজপুতনা ৰাইফলৰ ৯ নং বেটেলিয়নে বিদ্ৰোহী বিৰোধী অভিযানৰ সময়ত আটক কৰিবলৈ সক্ষম হয়।
অনুপ গগৈ বুলি চিনাক্ত কৰা আটকাধীন আলফা(স্বা)ৰ সদস্যজনৰ পৰা অভিযানকাৰী দলটোৱে এটা ৯ এমএম পিষ্টলৰ লগতে ২ জাঁই সক্ৰিয় গুলী উদ্ধাৰ কৰে।
উল্লেখ্য যে আটক কৰা উগ্ৰপন্থী সদস্যজনক পাছত অভিযানকাৰী বেটেলিয়নৰ দলটোৱে নাহৰকটীয়া আৰক্ষী থানাক গতাই দিয়ে।
ইফালে সদস্যজনৰ ওপৰত ১৯৫৯ অস্ত্ৰ আইনৰ অধীনত ১২১(এ), ১২০(বি), আৰ/ডব্লিউ ধাৰা ২৫(আই) (এ) আৰু ১৯৬৭ আইনৰ আৰ/ডব্লিউ ধাৰা ১০/১৩ ইউএ(পি)ৰ অধীনত গোচৰ ৰুজু কৰা হয়।
শেহতীয়াকৈ আমালৈ অহা খবৰ অনুসৰি আটকাধীন আলফা(স্বাঃ) সদস্য জনক বৰ্তমান জ্যেষ্ঠ সেনা বিষয়া আৰু শীৰ্ষ পৰ্যায়ৰ আৰক্ষী বিষয়াৰ জৰিয়তে তদন্ত অব্যাহত ৰাখিছে।