তিনিচুকীয়াৰ হাৰ্টফুলনেছ এডুকেশ্যন ট্ৰাষ্টৰ উদ্যোগত এটা প্ৰশিক্ষণ কৰ্মশালা অনুষ্ঠিত কৰা হয়। এই কৰ্মশালাত ১৫-২০ বছৰৰ শিক্ষাৰ্থীৰ বাবে জীৱন দক্ষতা প্ৰশিক্ষণ প্ৰদানৰ ব্যৱস্থা কৰা হয়। ২৬ জুনৰ পৰা চলা এই কৰ্মশালাৰ আজি সফল সমাপ্তি হয়।
এই কৰ্মশালাটোত মানসিক চাপ কেনেদৰে কমাব লাগে তাৰ ব্যৱহাৰিক জ্ঞান প্ৰদান কৰা হৈছিল। কৰ্মশালাত হৃৎপিণ্ডভিত্তিক অনুশীলন, সিদ্ধান্ত গ্ৰহণ, লক্ষ্য স্থিৰকৰণ, সঠিক বাচনি, প্ৰতি-শিক্ষণৰ ইচ্ছাৰ লগতে শিক্ষণৰ গুৰুত্ব, চিন্তাৰ ক্ষমতা, আত্মবিশ্বাস, যোগাযোগ দক্ষতা, পাৰস্পৰিক সম্পৰ্ক ইত্যাদিৰ মাজেৰে কেনেদৰে মানসিক চাপ হ্ৰাস কৰিব পাৰি তাৰ শিক্ষা প্ৰদান কৰা হৈছিল।
দৃশ্য-শ্ৰব্য আহিলাৰ মাধ্যমেৰে প্ৰদৰ্শন কৰা মত-বিনিময় কৰিব পৰা এই কৰ্মশালাখনত কেনেদৰে বৈজ্ঞানিক আৰু দাৰ্শনিকভৱে মানুহে জীৱন শৈলী প্ৰস্তুত কৰি সফলতা অৰ্জন কৰিব পাৰে তাক দেখুওৱা হৈছিল।
শিক্ষাৰ্থীসকলে এই কৰ্মশালাত প্ৰশ্ন উত্থাপন কৰি সক্ৰিয়ভাৱে অংশগ্ৰহণ কৰিছিল।
