তেজপুৰ বিশ্ববিদ্যালয়ৰ অধ্যাপক আশিস কুমাৰ মুখাৰ্জীলৈ ৰাষ্ট্ৰপতিৰ ‘ভিজিটৰ্ছ বঁটা’

গৱেষণা (মৌলিক আৰু প্ৰায়োগিক বিজ্ঞান)ৰ বাবে ২০১৮ বৰ্ষৰ সন্মানীয় ভিজিটৰ্ছ বঁটাৰ বাবে যুটীয়াভাৱে নিৰ্বাচিত হৈছে তেজপুৰ বিশ্ববিদ্যালয় ( Tezpur University )ৰ মলিক্যুলাৰ বায়’লজি আৰু বায়’টে’কনলজি বিভাগৰ অধ্যাপক আশিস কুমাৰ মুখাৰ্জী। ৰাষ্ট্ৰপতি ভৱনত অহা ২ মে’ত হ’ব লগা দেশৰ কেন্দ্ৰীয় বিশ্ববিদ্যালয়সমূহৰ ভিজিটৰ্ছ সন্মিলনত ভাৰতৰ ৰাষ্ট্ৰপতিয়ে মুখাৰ্জীক এই বঁটা প্ৰদান কৰিব।

কলিকতা বিশ্ববিদ্যালয়েও কিছুদিন পূৰ্বে সৰ্বোচ্চ বিদ্যায়তনিক উপাধি ডি এচ চিৰে তেওঁক সন্মানিত কৰিছিল।

অধ্যাপক মুখাৰ্জী তেজপুৰ বিশ্ববিদ্যালয়ৰ গৱেষণা আৰু বিকাশ বিভাগৰ ডীন।

তাৰোপৰি তেজপুৰ বিশ্ববিদ্যালয়ৰ DBT Nodal Centre for Medical Colleges and Biomedical Research Institute of North-East India (Unit of DBT, Govt of India)ৰো তেওঁ মুৰব্বী তথা সমন্বয়ক।

মুখাৰ্জী এমেৰিকাৰ নৰ্ডাৰ্ন কলৰাড’ বিশ্ববিদ্যালয়ৰ জীৱবিজ্ঞান বিভাগৰ সহযোগী অধ্যাপক।