ত্ৰিপুৰাত কেন্দ্ৰীয় মন্ত্ৰী অনুপ্ৰিয়া পেটেলৰ উপস্থিতিত চতুৰ্থ আন্তঃৰাষ্ট্ৰীয় যোগ দিৱস উদযাপন

আন্তঃৰাষ্ট্ৰীয় যোগ দিৱস উপলক্ষে বিশ্বৰ আন আন ঠাইৰ লগতে ত্ৰিপুৰাৰো বিভিন্ন অঞ্চলত আজি চতুৰ্থ আন্তঃৰাষ্ট্ৰীয় যোগ দিৱস উদযাপন কৰা হয়।

ৰাজ্যখনৰ মুখ্য মন্ত্ৰী বিপ্লৱ কুমাৰ দেৱ কেন্দ্ৰীয় ৰাজ্যিক স্বাস্থ্য আৰু পৰিয়াল কল্যাণ মন্ত্ৰী অনুপ্ৰিয়া পেটেল, ত্ৰিপুৰাৰ ক্ৰীড়া আৰু যুৱ কল্যাণ বিভাগৰ মন্ত্ৰী মনোজ কান্তি দেৱৰ লগতে বহুতো ছাত্ৰ-ছাত্ৰীৰ উপস্থিতিত ৰাজ্যখনৰ খুমুলৱাঙত ৰাজ্যিকভাৱে যোগ দিৱস উদযাপন কৰে।

অনুষ্ঠানৰ অন্তত কেন্দ্ৰীয় মন্ত্ৰীগৰাকীয়ে সংবাদ মাধ্যমৰ আগত মন্তব্য কৰি কয় যে যোগ হৈছে সম্পূৰ্ণ জিৰ’ বাজেটৰ স্বাস্থ্য বীমা। আজি ভাৰতৰ এই যোগ সমগ্ৰ বিশ্বতে উদযাপন কৰে আৰু এয়া সম্পূৰ্ণ শ্ৰেয় প্ৰধান মন্ত্ৰী নৰেন্দ্ৰ মোদীলৈ যায়।

আনহাতে মুখ্য মন্ত্ৰী দেৱে কয় যে ১৭৩ খন দেশে আজি যোগ দিৱস উদযাপন কৰিছে। আৰু এই ক্ষেত্ৰত নৰেন্দ্ৰ মোদীৰ কঠোৰ পৰিশ্ৰমৰ বাবেই আজি ভাৰতৰ যোগ বিশ্বৰ প্ৰায় বোৰ দেশে আকোৱালি লৈছে।

তেওঁ লগতে কয় যে ৰাজ্যৰ সকলো লোকৰে স্বাস্থ্যৰ প্ৰতি লক্ষ্য ৰাখি বিদ্যালয়, মহাবিদ্যালয়তে নহয় পঞ্চায়ত পৰ্যায়তো যোগ দিৱস উদযাপনৰ ব্যৱস্থা কৰিছো।