নগাঁও চহৰৰ মাজমজিয়াৰ হয়বৰগাঁও হাইস্কুলৰ সন্মুখৰ ৩৭ নং ৰাষ্ট্ৰীয় ঘাই পথত যোৱা নিশা হোৱা এক দুৰ্ঘটনাত এজন চাইকেল আৰোহীৰ মৃত্যু হয়।
জানিব পৰা মতে, শেনচোৱাত থকা ভাৰতীয় খাদ্য নিগমৰ গুদামৰ পৰা খাদ্য-সামগ্ৰী অনা এ এছ-২৫,বি; ৫৩৯৭ নম্বৰৰ ট্ৰাকখনে হয়বৰগাঁও হাইস্কুলৰ সন্মুখত মহতিয়াই নিয়ে।
ট্ৰাকখনৰ খুন্দাত চাইকেল আৰোহীজনৰ থিতাতে মৃত্যু হয়। মৃত আৰোহীজনক বৰ্তমানেও চিনাক্ত হোৱা নাই বুলি জানিব পৰা গৈছে যদিও দুৰ্ঘটনা সংঘটিত কৰা ট্ৰাকখনক আৰক্ষীয়ে জব্দ কৰিছে।
আৰক্ষীয়ে ঘটনাটোৰ সন্দৰ্ভত গোচৰ এটা ৰুজু কৰি তদন্ত চলাই আছে।
নগাঁৱৰ ৩৭ নং ৰাষ্ট্ৰীয় ঘাইপথত সঘনাই পথ দুৰ্ঘটনা সংঘটিত হৈ আহিছে। ৰাষ্ট্ৰীয় ঘাইপথত চলাচল কৰা ট্ৰাকসমূহৰ নিয়ন্ত্ৰণহীন গতিবেগ আৰু চালকৰ দৌৰাত্ম্যৰ বাবেই দুৰ্ঘটনাসমূহ সংঘটিত হৈ অহা বুলি স্থানীয় ৰাইজে অভিযোগ কৰে।
