ৰাজ্য চৰকাৰে শীঘ্ৰেই গ্ৰহণ কৰিব নতুন ভূমি নীতি। এইক্ষেত্ৰত উচিত ব্যৱস্থা গ্ৰহণৰ বাবে মুখ্য মন্ত্ৰী সৰ্বানন্দ সোণোৱালে ৰাজহ বিভাগক নিৰ্দেশ দিছে। হৰিশংকৰ ব্ৰহ্ম নেতৃত্বাধীন কমিতিয়ে প্ৰদান কৰা প্ৰতিবেদনৰ ভিত্তিতেই খিলঞ্জীয়া লোকৰ ভূমিৰ অধিকাৰ সুনিশ্চিত হোৱাকৈ নতুন ভূমি নীতি গ্ৰহণৰ পোষকতা কৰিছে চৰকাৰে।
উল্লেখযোগ্য যে কমিতিয়ে দাখিল কৰা প্ৰতিবেদনত অসম ভূমি আৰু ৰাজহ আইন ১৮৮৬, ভূcি চিলিং আইন, ভূমি নাতি, জনজাতি বেল্টৰ সংৰক্ষণ, পট্টা বিতৰণ, ভূমিৰ সঠিক জৰীপ, সত্ৰ আৰু ৱাকফ ব’ৰ্ডৰ সম্পত্তিৰ সুৰক্ষা, ভূমিৰ পুনৰ বন্দবস্তি, ভূমি আৱণ্টনকে ধৰি ভূমি সম্পৰ্কীয় প্ৰায় ১৮০ টা পৰামৰ্শাৱলী ৰাজ্য চৰকাৰৰ ওচৰত দাখিল কৰে।
মুখ্য মন্ত্ৰী সোণোৱালে দুয়োখন প্ৰতিবেদন বিশ্লেষণ কৰি কাৰ্যকৰী কৰাৰ দিশত যাৱতীয় ব্যৱস্থা গ্ৰহণর বাবে ৰাজহ বিভাগক নিৰ্দেশ দিয়ে। প্ৰতিবেদন দুখনৰ পৰামৰ্শাৱলীৰ ভিত্তিত পুৰণি ভূমি নীতিৰ আধাৰতে ৰাজ্যৰ থলুৱা লোকসকলৰ ভূমিৰ অধিকাৰ যাতে সুৰক্ষিত হয় তাৰ বাবে এখন নতুন ভূমি নীতি প্ৰস্তুত কৰিবলৈ নিৰ্দেশ দিয়ে।
মুখ্য মন্ত্ৰীয়ে ভূমিৰ সঠিক জৰীপকে ধৰি ভূমি সম্পৰ্কীয় সকলো পৰামৰ্শাৱলী বাস্তৱায়িত কৰিবৰ বাবে সময় নিৰ্ধাৰিত প্ৰক্ৰিয়া এটা এৰম্ভ কৰিবলৈ ৰাজহ বিভাগক নিৰ্দেশ দিয়াৰ উপৰি ভূমিৰ পুনৰ বনদৱস্তি প্ৰক্ৰিয়াটো দ্ৰুত কৰাৰ ক্ষেত্ৰতো উপযুক্ত পদক্ষেপ লোৱাৰ উপৰি ভূমিহীন লোকসকলক ভূমি পট্টন প্ৰদান কৰাৰ দিশত প্ৰযোজনীয় ব্যৱস্থা গ্ৰহণৰ বাবে তৎপৰতাৰে কাম কৰিবলৈ নিৰ্দেশ দিয়ে।