নাগালেণ্ডৰ দুই বিদ্ৰোহী সংগঠনৰ সৈতে গৃহ মন্ত্ৰ্যালয়ৰ এবছৰলৈ বৃদ্ধি যুদ্ধ বিৰত চুক্তি
নাগালেণ্ডৰ নিষিদ্ধ ঘোষিত দুই বিদ্ৰোহী সংগঠন এন এছ চি এন (কে- এন)আৰু এন এছ চি এন ৰিফামেচন গোটৰ সৈতে ভাৰত চৰকাৰে এবছৰলৈ বৃদ্ধি কৰিছে যুদ্ধ বিৰতি চুক্তি।
২০ এপ্ৰিলত নতুন দিল্লীত দুই বিদ্ৰোহী গোটেৰ সৈতে এই চুক্তি সম্পাদন কৰা বুলি গৃহ মন্ত্ৰ্যালয়ে আনুষ্ঠানিকভাৱে সদৰী কৰে।
কেন্দ্ৰীয় গৃহমন্ত্ৰ্যালয়ৰ সূত্ৰৰ পৰা জানিব পৰা মতে চুক্তি অনুসৰি এই যুদ্ধ বিৰতিৰ চুক্তি ২০১৮ৰ ২৪ এপ্ৰিলৰ পৰিৱৰ্তে অহা ২০১৯ চনৰ এপ্ৰিল মাহলৈ বৃদ্ধি কৰা হৈছে।
আনহাতে চুক্তি অনুসৰি এই সময়ছোৱাত নাগালেণ্ডৰ দুই বিদ্ৰোহী সংগঠন এন এছ চি এন (কে- এন)আৰু এন এছ চি এন ৰিফামেচন গোটৰ বিৰুদ্ধে ভাৰত চৰকাৰে কোনো ধৰণৰ সামৰিক অভিয়ান চলাব নোৱাৰিব।
২০ এপ্ৰলিত সংগঠনকেইটাৰ সৈতে এই যুদ্ধ বিৰতি চুক্তিত স্বাক্ষৰ কৰে কেন্দ্ৰীয় গৃহমন্ত্ৰ্যালয়ৰ যুটীয়া সচিব সতেন্দ্ৰ গাৰ্গ আৰু এন এছ চি এন দুই গোটেৰ জেক ঝিমমি, ভিনি’হ কিহে আৰু ট’ছি লংকুমাৰে।