এক প্ৰকাৰৰ ৰাজনৈতিক সংকটত থকা নাগালেণ্ডত আজি আন ৭জন বিধায়কে পদত্যাগ কৰিছে। নাগালেণ্ড বিধানসভাৰ পৰা পদত্যাগ কৰা এই বিধায়ককেইজনৰ ৬জন নিৰ্দলীয় আৰু এজন শাসনাধিষ্ঠিত দল এন পি এফৰ।
বিধানসভাৰ অধ্যক্ষ ড০ ইমতিয়াপাং এয়াৰে এওঁলোকৰ পদত্যাগ পত্ৰ গ্ৰহণ কৰে আৰু আসনকেইখন খালী বুলি ঘোষণা কৰে। ইয়াৰ ফলত ৬০ জনীয়া দ্বাদশ নাগালেণ্ড বিধানসভা ৩৪ জনীয়ালৈ সংকুচিত হয়।
উল্লেখযোগ্য যে ইয়াকে ধৰি নাগালেণ্ড বিধানসভাৰ পৰা পদত্যাগ কৰা বিধায়কৰ সংখ্যা ২৫জন হ’ল। ইয়াৰে ১৭জনেই হ’ল শাসনাধিষ্ঠিত এন পি এফৰ। ৮জন নিৰ্দলীয়। আনহাতে এখন আসন খালী হৈছিল এজন বিধায়কৰ যোৱা ডিচেম্বৰ মাহত মৃত্যুৰ ফলত।
আজি পদত্যাগ কৰা বিধায়ক আৰু তেওঁলোকৰ সমষ্টিৰ নামবোৰ তলত দিয়া হ’ল :
Er. Levi Rengma (Tsemenyu Assembly constituency) , S Chuba (Angetyongpang Assembly constituency) , Amenba Yaden (Tuli Assembly constituency), YM Yollow (Wakching Assembly constituency), Toyang Changkong Chang (Tuensang Sadar I Assembly constituency) and Er. Picto Shohe (Atoizu Assembly constituency), all Independents and G Kaito Aye from NPF (Satakha Assembly constituency).
