পানী আনিবলৈ যোৱা আছাম ৰাইফলছৰ দলৰ ওপৰত খাপ পিটি থকা এন এছ চি এন(কে)ৰ ভয়ংকৰ আক্ৰমণ
নাগালেণ্ডৰ মন জিলাৰ আবৈত এন এছ চি এন (কে) এ আছাম ৰাইফলছৰ দলক আক্ৰমণ কৰাৰ লক্ষ্যৰে এম্বুছ কৰে।
উল্লেখযোগ্য যে এম্বুছ কৰিয়ে এন এছ চি এনৰ দলটোৱে তহলদাৰী আছাম ৰাইফলছৰ দলটোলৈ লক্ষ্য কৰি গুলী চালনা কৰে। লগে লগে আছাম ৰাইফলছৰ দলটোৱেও প্ৰত্যুত্তৰ দিয়ে। ফলত দুই পক্ষৰ মাজতে প্ৰচণ্ড গুলীয়াগুলী হয়।
প্ৰাপ্ত তথ্য মতে পানী আনিবলৈ যোৱাৰ সময়তে এন এছ চি এনৰ দলটোৱে এই ভয়ংকৰ আক্ৰমণ কৰে।
শেহতীয়াকৈ লাভ কৰা তথ্য অনুসৰি দুই পক্ষৰ মাজৰ প্ৰচণ্ড গুলীয়াগুলীত আছাম ৰাইফলছৰ হাৱালদাৰ শ্যাম বাহাদুৰ, ৰাইফলমেন আলম হুছেইন চহিদ হোৱাৰ বিপৰীতে তিনিজন গুৰুতৰভাৱে আহত হয়।
গুলীয়াগুলীত আহত কেইজন হৈছে ক্ৰমে ৰাইফলমেন শচীন কুমাৰ, দিলীপ সিং আৰু জি. ডি. কন্যা। ইতিমধ্যে আহত তিনিওজনকে হেলিকপ্তাৰযোগে যোৰহাট অসামৰিক চিকিৎসালয়ত ভৰ্তি কৰোৱা হৈছে বুলি জানিব পৰা গৈছে।