শুকুৰবাৰে নিশা মহানগৰীত সুৰাপান কৰি গাড়ী চলোৱাৰ ফলত এক ভয়ংকৰ পথ দুৰ্ঘটনা সংঘটিত হোৱা বুলি জানিব পৰা গৈছে।
প্ৰাপ্ত তথ্য মতে এখন ছুইফট ডিজায়াৰ গাড়ীয়ে নিয়ন্ত্ৰণ হেৰুৱাই গুৱাহাটী বিশ্ববিদ্যালয়ৰ নৱনিৰ্মিত গে’টত প্ৰচণ্ড জোৰেৰে খুন্দা মাৰে। নিশা ৪ সুৰাপায়ী যুৱকে সুৰাপান কৰি তীব্ৰ বেগেৰে ছুইফট ডিজায়াৰ বাহনখনেৰে আহি থকা অৱস্থাত অৱশেষত নিয়ন্ত্ৰণ হেৰুৱাই দুৰ্ঘটনাত পতিত হয়।
উক্ত দুৰ্ঘটনাত চাৰিওজন যুৱকেই গুৰুতৰভাৱে আহত হয়। আনহাতে দুৰ্ঘটনা সংঘটিত কৰিয়েই যুৱক চাৰিজন আঘাতপ্ৰাপ্ত অৱস্থাৰে গাড়ী এৰি পলায়ন কৰে। বৰ্তমান দুৰ্ঘটনাস্থলীত উপস্থিত হৈ আৰক্ষীয়ে জব্দ কৰে দুৰ্ঘটনাগ্ৰস্ত বাহনখন।
উল্লেখযগ্য যে সময়ে সময়ে মহানগৰীৰ ৰাজপথত এচাম যুৱকে সুৰা পান কৰি বাহন চলোৱাৰ ফলত সাধাৰণ ৰাইজ তথা পথচাৰী বহু সমস্যাৰ সন্মুখীন হৈ আহিছে। আনকি বহুজনে নিজৰ প্ৰাণ হেৰুৱাবও লগীয়া হৈছে। এইক্ষেত্ৰত মহানগৰীৰ আৰক্ষীক সক্ৰিয় ভূমিকা ল’বলৈ মহানগৰবাসীয়ে আহ্বান জনাইছে।
