ডিফু বিধানসভা সমষ্টিৰ বিধায়ক ছুম ৰংহাঙৰ নেতৃত্বত কাৰ্বি আংলং জিলাৰ বিভিন্ন সংগঠনৰ প্ৰতিনিধিয়ে আজি মুখ্য মন্ত্ৰী সৰ্বানন্দ সোণোৱালক জনতা ভৱনস্থিত মুখ্য মন্ত্ৰীৰ কাৰ্যালয়ৰ সভাকক্ষত সাক্ষাৎ কৰি ভাৰতীয় সংবিধানৰ ২৪৪(ক) দফা ৰূপায়ণকে ধৰি বিভিন্ন দাবী সম্বলিত এখন স্মাৰকপত্ৰ প্ৰদান কৰে।
আনহাতে মুখ্য মন্ত্ৰী গৰাকীয়ে এই দাবী সমূহ সদিচ্ছাৰে বিবেচনা কৰা হ’ব বুলি দলটোক আশ্বাস প্ৰদান কৰে। লগতে মুখ্য মন্ত্ৰী গৰাকীয়ে কয় যে ৰাজ্যখনৰ পাহাৰ-ভৈয়াম সকলো এলেকাৰ সম উন্নয়নৰ ক্ষেত্ৰত ৰাজ্য চৰকাৰে উচ্চ অগ্ৰাধিকাৰ প্ৰদান কৰিছে।
ইতিমধ্যে এইক্ষেত্ৰত বিভিন্ন ধৰণৰ আঁচনি ৰূপায়ণৰ বাবে পদক্ষেপ গ্ৰহণ কৰা হৈছে বুলিও মুখ্য মন্ত্ৰী গৰাকীয়ে কয়।
প্ৰতনিধি দলটোত কাৰ্বি আংলং স্বায়ত্ত শাসিত পৰিষদৰ দুগৰাকী কাৰ্যবাহী সদস্যকে ধৰি বিভিন্ন সংগঠনৰ সদস্য সকল উপস্থিত আছিল।
