শিলচৰ আৰু গুৱাহাটীৰ মাজত আজিৰেপৰা ভলভ’ বাছ সেৱা আৰম্ভ হ’ল।
অসম ৰাজ্যিক পৰিৱহন নিগমৰ আস্থান আৰু ৰে’ডবাছৰ ৱে’বছাইটত ইয়াৰ টিকট উপলব্ধ হ’ব। শিলচৰ-গুৱাহাটীৰ মাজত এজন যাত্ৰীৰ টিকটৰ মূল্য হ’ব ৭৬০ টকা।
পৰিৱহন মন্ত্ৰী চন্দ্ৰমোহন পাটোৱাৰীয়ে যোৱা ২৪ জানুৱাৰিত এ এচ টি চিৰ পল্টন বজাৰ কাৰ্য্যালয়ত এই বিলাসী বাছ সেৱাৰ আৰম্ভণি কৰিছিল।
প্ৰথম পৰ্য্যায়ত ৫ খন বাছৰ সেৱা আৰম্ভ কৰা হৈছিল।
উদ্বোধনী অনুষ্ঠানটোত মন্ত্ৰীজনে কৈছিল যে, ‘নিজাকৈ বাছ কিনিবলৈ এতিয়া নিগমৰ ধন নাই। সেয়ে বিভাগটোৱে ভলভ’ সেৱা ব্যক্তিগত ৰাজহুৱা যৌথ সহযোগিতাত আৰম্ভ কৰা হৈছে।’
