দেওবাৰে গুৱাহাটীৰ ৰাজগড় অঞ্চলত পুৱতি নিশা প্ৰায় ৪:৩০ মান বজাত সংঘটিত হয় এক পথ দুৰ্ঘটনা।
স্থানীয় লোকে জনোৱা অনুসৰি এ এছ ০১বি এল ৬৫৬৬ নম্বৰৰ এখন টেৰানো এক্স ভি বাহন এখনে নিয়ন্ত্ৰণ হেৰুৱাই ৰাজগড় অঞ্চলৰ অনিল সিনহা পথৰ কাষত থকা নলাত সোমাই পৰে।
তীব্ৰবেগী বাহনখনে নিয়ন্ত্ৰণ হেৰুৱাই প্ৰথমতে কাষত থকা ফুটপাথত খুন্দিয়াই নলাত সোমাই যায়।
ঘটনা সংঘটিত কৰিয়েই বহনখনৰ চালকজনে পলায়ন কৰে বুলি গীতানগৰ আৰক্ষী সুত্ৰই জনাইছে। চালকজনে সুৰাপান কৰি গাড়ী চলোৱা বুলি আৰক্ষীয়ে সন্দেহ প্ৰকাশ কৰিছে। আনহাতে, গাড়ীখনৰ মালিক হিৰনবালা কলিতা বুলি আৰক্ষী সুত্ৰই আমাক জানিবলৈ দিয়ে।
আৰক্ষীৰ অভিযোগ অনুসৰি তেওঁলোকে পুৱাৰে পৰাই পৰা গাড়ীৰ মালিকক ফোন কৰি গাডীখন উদ্ধাৰৰ বাবে কৈ আহিছিল যদিও দিনৰ প্ৰায় ১২:৩০ মান বজালৈকে গাড়ীখনৰ কোনো খবৰ নকৰাত আৰক্ষীয়ে নিজেই গাড়ীখন উদ্ধাৰ কৰি গীতানগৰ আৰক্ষী থানালৈ লৈ আহে।
