মেঘালয়ৰ পৰা কেন্দ্ৰীয় চৰকাৰে আফস্পা ( AFSPA ) বাতিল কৰাৰ বাবে গ্ৰহণ কৰা সিদ্ধান্তৰ বাবে ধন্যবাদ জ্ঞাপন কৰি মুখ্য মন্ত্ৰী কনৰাদ চাংমাই আজি ১৩ মে’ত নতুন দিল্লীত কেন্দ্ৰীয় গৃহ ৰাজ্য মন্ত্ৰী কিৰেন ৰিজিজুক লগ কৰে।
মেঘালয়ৰ বৰ্তমান আইন-শৃংখলা পৰিস্থিতি সন্দৰ্ভত কেন্দ্ৰীয় মন্ত্ৰীগৰাকীক অৱগত কৰি কনৰাদে সংবিধানৰ ষষ্ঠ অনুসূচীৰ অধীনৰ ১২ (এ’) আৰু (বি) পেৰেগ্ৰাফ দুটা উঠাই লৈ ৰাজ্যখনত কয়লা খননৰ ক্ষেত্ৰত প্ৰয়োগ হোৱা নিৰ্দিষ্ট কেন্দ্ৰীয় আইনসমূহৰ ক্ষেত্ৰত ৰিজিজুৰ হস্তক্ষেপ আৰু সমৰ্থন বিচাৰে।
প্ৰদূষণকাৰী আৰু অবিজ্ঞানসন্মত খননে পৰিৱেশ বিশেষকৈ নৈ-নিজৰাসমূহ প্ৰদূষিত কৰি তোলা বাবে ৰাষ্ট্ৰীয় সেউজ ন্যায়াধীকৰণে যোৱা ২০১৪ চনৰ ১৭ এপ্ৰিলৰ পৰা মেঘালয়ত কয়লা খননৰ বন্ধ কৰি ৰাখিছিল।
