প্ৰাকৃতিক দুৰ্যোগৰ ৰোষত পৰিছে জম্মু-কাশ্মীৰ। উপত্যকাটোৰ কিষ্টৱাৰ জিলাৰ ৰাটল জলবিদ্যুৎ প্ৰকল্পত আজি ভূমিস্খলনৰ ফলত এগৰাকী লোক নিহত হোৱাৰ লগতে সন্ধানহীন হৈছে কেইবাগৰাকীও লোক।
কেন্দ্ৰীয় বিজ্ঞান আৰু প্ৰযুক্তি ৰাজ্যিক মন্ত্ৰী (স্বতন্ত্ৰ দায়িত্ব) জীতেন্দ্ৰ সিঙে এক টুইট যোগে এই কথা সদৰী কৰিছে আৰু ভূমিস্খলনৰ বিষয়ে খবৰ লাভ কৰাৰ পাছতে জিলা দণ্ডাধীশৰ সৈতে আলোচনা কৰে বুলি জানিবলৈ দিয়ে।
মন্ত্ৰীগৰাকীয়ে উল্লেখ কৰা মতে ঘটনাস্থলীত নিযুক্ত প্ৰায় ছয়গৰাকী লোকৰ উদ্ধাৰকাৰী দলটোও ভূমিস্খলনৰ ফলত খহি পৰা মাটিৰ তলত আৱদ্ধ হৈ পৰিছে।
সিঙে লগতে জিলা প্ৰশাসনৰ সৈতে তেওঁ নিৰন্তৰ যোগাযোগ কৰিছে আৰু ভূমিস্খলনস্থলীত আৱদ্ধ লোকসকলক উদ্ধাৰৰ বাবে সকলো প্ৰচেষ্টা চলাই থকা হৈছে বুলি সদৰী কৰে।
Just now spoke to DC #Kishtwar, Dr Devansh Yadav on receiving the report of a fatal landslide at the site of the under construction Ratle Power Project. The JCB driver unfortunately died on the spot. The rescue team of about 6 persons, deputed to
1/2— Dr Jitendra Singh (@DrJitendraSingh) October 29, 2022
ইফালে এই দুৰ্যোগৰ ফলত সন্ধানহীন কেইবাগৰাকীও লোকৰে মৃত্যু হোৱাৰ আশংকা কৰা হৈছে। ভূমিস্খলনস্থলীত উদ্ধাৰকাৰী দলে বৰ্তমান উদ্ধাৰ অভিযান চলাই আছে বুলি জানিব পৰা গৈছে।
উল্লেখ্য যে ৰাটল জল-বৈদ্যুতিক প্ৰকল্পটো হৈছে কিষ্টৱাৰ জিলাৰ চেনাব নদীৰ ওপৰত প্ৰস্তাৱিত এক প্ৰকল্প। প্ৰকল্পটোৰ আনুমানিক ব্যয় ২০১৮ চনৰ নৱেম্বৰ লৈকে প্ৰায় ৫২৮১.৯৪ কোটি টক।
প্ৰকল্পটোৰ বাবে ইপিচি (অভিযান্ত্ৰিক, ক্ৰয় আৰু নিৰ্মাণ) চুক্তি এই বছৰৰ ১৮ ছেপ্টেম্বৰত প্ৰদান কৰা হৈছিল।