প্ৰথম পৰ্যায়ৰ ভোটগ্ৰহণ পূৰ্ণগতিত, পুৱা ৯.৩০ বজালৈকে ১০.১৪ শতাংশ ভোটদাতাৰ ভোটসাব্যষ্ট
ৰাজ্যত পুনৰ্গতিত চলি আছে প্ৰথম পৰ্যায়ৰ ভোটগ্ৰহণ।
ভাৰতৰ নিৰ্বাচনী আয়োগে জনোৱামতে, পুৱা ৯.৩০ বজালৈকে ৰাজ্যখনত ১০.১৪ শতাংশ ভোটাৰে ভোট সাব্যষ্ট কৰিছে।
মুঠ ৪৭টা বিধানসভা সমষ্টিত ভোটদান প্ৰক্ৰিয়া আৰম্ভ কৰা হৈছে।
ভোটগ্ৰহণ কেন্দ্ৰত সমূহত ভোটদাতাসকলৰ শাৰিৰীক তাপমাত্ৰা পৰীক্ষা কৰিছে।
তদুপৰি প্ৰাথমিক বিদ্যালয়সমূহত ফেচমাস্ক, গ্ল’ভছ আৰু চেনিটাইজাৰৰ ব্যৱস্থা কৰা হৈছে।
কৰোণাভাইৰাছৰ পৰিপ্ৰেক্ষিতত প্ৰায়সংখ্যক ভোটদাতাই মাস্ক পৰিধান কৰি ভোটসাব্যষ্ট কৰিছে।
তদুপৰি যিসকলে মাস্ক পৰিধান কৰা নাই, তেওঁলোকক বুথসমূহৰ পৰা মাস্ক যোগান ধৰা হৈছে।
পুৱা ৭ বজাৰ পৰা ভোটগ্ৰহণ কাৰ্য আৰম্ভ কৰা হৈছে।
২৩গৰাকী মহিলাসহ মুঠ ২৬৪জন প্ৰাৰ্থীৰ আজি ভাগ্য নিৰ্ণয় কৰা হ’ব।
ইয়াৰ ভিতৰত অন্যতম হৈছে মুখ্যমন্ত্ৰী সৰ্বানন্দ সোণোৱাল, ছজনকৈ কেবিনেট মন্ত্ৰী- ৰণজীত দত্ত, নৱ দলে, জগেন মহন, সঞ্জয় কিষাণ, অতুল বৰা, কেশৱ মহন্ত, কাৰাৰুদ্ধ কৃষক নেতা অখিল গগৈ, এজেপি নেতা লুৰিণজ্যোতি গগৈ, প্ৰদেশ কংগ্ৰেছৰ সভাপতি ৰিপুন বৰা, প্ৰদেশ কংগ্ৰেছৰ সম্পাদক ভূপেন বৰা।
ভোটগ্ৰহণ উপলক্ষে ১২ খন জিলাত সুৰক্ষা বাহিনীক সষ্টম কৰি ৰখা হৈছে।
ভাৰতৰ নিৰ্বাচনী আয়োগে ভোটকেন্দ্ৰসমূহৰ প্ৰথমজন ভোটাৰক গামোচাৰে আদৰণি জনাইছে।