মণিপুৰৰ চাণ্ডেল জিলাৰ ভাৰত-ম্যানমাৰ সীমান্তৰ ওচৰৰ খেংজয় তহচিলৰ নিউ সামতাল গাঁৱৰ সমীপত বুধবাৰে অসম ৰাইফলছৰ এটা ইউনিটৰ সৈতে গুলিয়াগুলীত কমেও ১০ জন উগ্ৰপন্থী নিহত হোৱ বুলি জনিব পৰা গৈছে। সেনাবাহিনীৰ ইষ্টাৰ্ণ কমাণ্ডে সদৰী কৰা অনুসৰী এই অভিযান এতিয়াও চলি আছে।
ইষ্টাৰ্ণ কমাণ্ডে এক্সত এটা পোষ্টৰ জড়িয়তে জনাইছে যে, চোৰাংচোৱাৰ তথ্যৰ ভিত্তিত ভাৰত-ম্যানমাৰ সীমান্তৰ ওচৰৰ চাণ্ডেল জিলাৰ খেংজয় তহচিলৰ নিউ সামতাল গাঁৱত সশস্ত্ৰ কেডাৰৰ চলাচলৰ খবৰ পাই অসম ৰাইফলছৰ ইউনিটে ১৪ মে’ ২০২৫ত এটা অভিযান আৰম্ভ কৰিছিল। অভিযানৰ সময়ত সন্দেহযুক্ত কেডাৰৰ দলটোৱে সৈন্যবাহিনীৰ ওপৰত গুলীচালনা কৰাত দুয়োপক্ষৰ মাজত হোৱা গুলিয়াগুলীত। গুলীচালনাত ১০ জন কেডাৰ নিহত হয় আৰু যথেষ্ট পৰিমাণৰ অস্ত্ৰ-শস্ত্ৰ তথা গোলাবাৰুদ উদ্ধাৰ কৰা হোৱা বুলি উল্লেখ কৰিছে।
এই সফল অভিযানে অঞ্চলটোত শান্তি আৰু নিৰাপত্তা পুনৰুদ্ধাৰৰ বাবে ভাৰতীয় সেনাৰ অঙ্গীকাৰক পুনৰ দৃঢ় কৰি তুলিছে। অভিযান অব্যাহত থকাৰ বাবে এতিয়াও সম্পূৰ্ণ তথ্য লাভ কৰা নাই।
