১১১ বছৰীয়া ঐতিহাসিক লাহোৱালত কভিডৰ সকলো বিধি মানি দশমী পূজা আৰম্ভ

আজি দশমী, পুৱাৰে পৰা পূজা মণ্ডপসমূহত ভক্ত ভিৰ পৰিলক্ষিত হৈছে। টীয়কৰ অন্যতম ঐতিহাসিক ১১১ বছৰ গৰকা লাহোৱাল পূজা মন্দিৰৰ।
সম্পূৰ্ণ বৈদিক নীতি নিয়মেৰে ষষ্ঠীৰ পৰা আজি দশমী পৰ্যন্ত পূজা অৰ্চনা চলি আছে এই মন্দিৰত।

ভক্তসকলেও মনোকামনা পূৰণৰ অৰ্থে ধূপ চাকি নৈবেদ্য আগবঢ়াই শক্তি আৰাধ্যা মা দুৰ্গাৰ চৰণত সেৱা লৈছে।

উল্লেখযোগ্য যে চৰকাৰী কভিড sop অৱলম্বন কৰি ভগামুখ স্বাস্থ্য কেন্দ্ৰৰ কেইবাগৰাকীও আশা কৰ্মীয়ে এই পূজাৰ বতৰতো পূজা মণ্ডপৰ প্ৰৱেশদ্বাৰত উপস্থিত থাকি ভক্তসকলক ছেনিটাইজাৰ,মাস্ক আদি প্ৰদান কৰিছে লগতে উদ্যোক্তাসকলেও মণ্ডপত চৰকাৰী নিৰ্দেশনা মতে চি চি কেমেৰাকে ধৰি কেতবোৰ ব্যৱস্থা গ্ৰহণৰ ক্ষেত্ৰত যথেষ্ট চকু দিয়া পৰিলক্ষিত হৈছে।

বিগত বছৰ সমূহত এই ঐতিহাসিক পূজা উদযাপন সমিতিয়ে বিভিন্ন সাংস্কৃতিক কাৰ্যসূচী গ্ৰহণ কৰে যদিও এইবাৰ দেশৰ জটিল পৰিস্থিতিৰ প্ৰতি লক্ষ্য ৰাখি সকলো কাৰ্যসূচী বাতিল কৰিছে আৰু সম্পূৰ্ণ কভিড প্ৰট’কল অৱলম্বন কৰি পূজা পৰিচালনাত ব্যস্ত হৈ পৰিছে উদ্যোক্তামণ্ডলী।