ক’ভিড আৰোগ্যৰ হাৰত দেশৰ চতুৰ্থ অসম, নতুনকৈ চিকিৎসালয়ৰ পৰা মুকলি ১২৪৮
অসম ক’ভিড আৰোগ্যৰ হাৰেৰে দেশৰ চতুৰ্থ স্থানত আছে।
অসম (৭৬%)ৰ আগত আছে হাৰিয়ানা (৭৮), লাডাখ (৮০) আৰু দিল্লী (৮৮)।
স্বাস্থ্য মন্ত্ৰ্যালয়ৰ সচিব আৰ ভূষণে বৃহস্পতিবাৰে সদৰী কৰা মতে অসমকে ধৰি ১৬খন ৰাজ্যৰ ক’ভিড আৰোগ্যৰ হাৰ ৰাষ্ট্ৰীয় হাৰতকৈ অধিক।
ইফালে ১২৪৮গৰাকী ব্যক্তিয়ে অসমত বৃহস্পতিবাৰে ক’ভিডৰ আৰোগ্য হৈ চিকিৎসালয়ৰ পৰা মুকলি হৈছে।
এইসকলক ধৰি অসমত এতিয়ালৈকে ২৯,০৮০গৰাকী ব্যক্তিয়ে ক’ভিডৰ পৰা আৰোগ্য লাভ কৰিছে।
অসমত বৰ্তমান সক্ৰিয় ৰোগীৰ সংখ্যা হৈছে ৯২৩০গৰাকী।
আনহাতে অসমত শেহতীয়াকৈ ক’ভিড টেষ্টৰ তুলনাত পজিটিভৰ হাৰ হ্ৰাস পাইছে।
যোৱা ২৪ ঘণ্টাত অসমত ৪১,০২৮টা ক’ভিড টেষ্ট সম্পন্ন হৈছে, চিনাক্ত হৈছে ২১১২গৰাকী আক্ৰান্ত। পজিটিভৰ হাৰ হৈছে ৫.১৪শতাংশ।
? Discharge Alert
1⃣2⃣4⃣8⃣ patients have been discharged today
The consistency of our good recovery rate is a reflection of continuous efforts & dedication of our teams. Gratitude!
?Total Discharged Patients: 29080
?Active Patients: 923010:15 PM/July 30#AssamCovidCount pic.twitter.com/YDMU080M2d
— Himanta Biswa Sarma (@himantabiswa) July 30, 2020
স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য সদৰী কৰিছে।
বৃহস্পতিবাৰৰ দিনটোত অসমত দুগৰাকী ক’ভিড ৰোগীয়ে প্ৰাণ হেৰুৱাইছে আৰু মুঠ মৃত্যু হোৱা লোকৰ সংখ্যা ৯৪লৈ বৃদ্ধি পাইছে।
অসমত এতিয়ালৈকে ৩৮,৪০৭গৰাকী ব্যক্তি ক’ভিড পজিটিভ চিনাক্ত হৈছে।
ইয়াৰে তিনিগৰাকী ব্যক্তি আন ঠাইলৈ স্থানান্তৰিত হৈছে।