১৫২গৰাকী ব্যক্তি বুধবাৰে অসমত ক’ভিড-১৯ৰ পৰা আৰোগ্য হৈছে আৰু তেওঁলোকক চিকিৎসালয়ৰ পৰা যাবলৈ দিয়া হৈছে।
এইসকল ব্যক্তিক ধৰি ক’ভিড-১৯ৰ পৰা আৰোগ্য হৈ অসমত চিকিৎসালয়ৰ পৰা মুক্তি পোৱা লোকৰ সংখ্যা ১২৪৯গৰাকীলৈ বৃদ্ধি পাইছে।
অসমৰ বিভিন্ন অসামৰিক, জিলা আৰু মডেল হস্পিটেলৰ পৰা এই লোকসকলক যাবলৈ দিয়া হৈছে।
স্বাস্থ্য মন্ত্ৰী হিমন্ত বিশ্ব শৰ্মাই টুইটাৰযোগে এই তথ্য সদৰী কৰিছে।
এইসকল ব্যক্তি আৰোগ্য হোৱাৰ পিছত অসমত সক্ৰিয় ক’ভিড-১৯ ৰোগীৰ সংখ্যা হৈছেগৈ ১৮৩৪গৰাকী।
অসমত এতিয়ালৈকে ছগৰাকী ক’ভিড ৰোগীৰ মৃত্যু হৈছে আৰু তিনিগৰাকীক স্থানান্তৰিত কৰা হৈছে।
অসমত এতিয়ালৈকে চিনাক্ত মুঠ ক’ভিড-১৯ আক্ৰান্তৰ সংখ্যা হৈছে ৩০৯২গৰাকী।
📌 Discharge Alert
Delighted to share that 1⃣5⃣2⃣ more patients have been discharged today from various civil, district & model hospitals in Assam.
😊Total Discharged Patients – 1249
😑Active Patients – 18348:20 PM/June 10/ Day’s total discharge152#AssamCovidCount pic.twitter.com/jZr4dausB4
— Himanta Biswa Sarma (@himantabiswa) June 10, 2020
কালিৰ দিনটোত ৩১৩গৰাকী লোক ৰাজ্যৰ বিভিন্ন চিকিৎসালয়ৰ পৰা কৰণামুক্ত হৈছিল।
চিকিৎসক, নাৰ্ছ আৰু স্বাস্থ্য কৰ্মীয়ে ভালদৰে কাম বা চিকিৎসা সেৱা আগবঢ়োৱাৰ বাবে এয়া সম্ভৱ হৈ উঠা বুলি মন্তব্য কৰিছিল স্বাস্থ্য মন্ত্ৰীগৰাকীয়ে।
ৰাজ্যত আজিৰ দিনটোত বৰ্তমানলৈকে ৪২ গৰাকী লোক এই কোভিড-১৯+ ত আক্ৰান্ত হোৱাত তথা ৰোগীৰ সংখ্যা ৩০৯২ লৈ বৃদ্ধি পোৱাত সকলো আতংকিত হৈ আছে যদিও দুদিনত ৪৬৫ গৰাকীকৈ ৰোগী ক’ৰ’ণামুক্ত হোৱাটোৱে জনসাধাৰণৰ মনলৈ সুখৰ বাৰ্তা কঢ়িয়াই আনিছে।
