১৫ বছৰৰ আগৰ ২৬ নবেম্বৰৰ কথা। পাকিস্তানৰ লস্কৰ-ই-তৈবাৰ সুসজ্জিত উগ্ৰপন্থীৰ এটা দলে ২৬ নৱেম্বৰৰ সন্ধিয়া মুম্বাইত সৃষ্টি কৰিছিল হত্যাৰ ধুমুহা। মুম্বাইৰ বিভিন্ন গুৰুত্বপূৰ্ণ ৰাজহুৱা স্থানত নিৰীহ সাধাৰণ নাগৰিকৰ ওপৰত গুলীচালনা কৰিছিল সন্ত্ৰাসবাদীৰ দলটোৱে।
এই আক্ৰমণৰ ফলত বিদেশী নাগৰিককে ধৰি ১৬৬ জনতকৈ অধিক ব্যক্তিৰ মৃত্যু হোৱাৰ লগতে ৩০০ৰো অধিক লোক আহত হৈছিল।
যদিও সন্ত্ৰাসবাদীসকলৰ অন্যতম আজমল আমিৰ কাচভক জীৱিত অৱস্থাত আটক কৰা হৈছিল, বাকীসকল চাৰিদিনীয়া গুলীয়া-গুলীৰ অন্তত আৰক্ষীৰ গুলীত নিহত হৈছিল।
এই আক্ৰমণৰ সময়ত ৰাজ্যৰ আৰক্ষী আৰু এন এছ জিৰ সদস্যকে ধৰি মুঠ ১৮ জন নিৰাপত্তাৰক্ষীয়ে নিজৰ কৰ্তব্য পালন কৰি প্ৰাণ আহুতি দিয়ে।
লস্কৰৰ সদস্যসকলে সংঘটিত কৰা ধাৰাবাহিক সন্ত্ৰাসবাদী আক্ৰমণে দেশ আৰু বিশ্ব কঁপাই তুলিছিল।
এই আক্ৰমণত প্ৰাণ আহুতি দিয়া নিৰাপত্তাৰক্ষীৰ ভিতৰত আছে সন্ত্ৰাসবাদ বিৰোধী দলৰ প্ৰাক্তন মুৰব্বী হেমন্ত কাৰ্কাৰে, এন এছ জিৰ মেজৰ সন্দীপ উন্নিকৃষ্ণন, মুম্বাইৰ অতিৰিক্ত আৰক্ষী আয়ুক্ত অশোক কামটে, এজন জ্যেষ্ঠ বিজয় চালাস্কাৰ আৰক্ষী পৰিদৰ্শক, আৰু টুকাৰাম অম্বলে, এজন সহকাৰী উপ-পৰিদৰ্শক (এ এছ আই)।
আক্ৰমণৰ সময়ত সন্ত্ৰাসবাদীয়ে ছাত্ৰপতি শিৱাজী টাৰ্মিনাছ, অবেৰয় ট্ৰাইডেণ্ট, তাজ হোটেল, লিওপোল্ড কেফে, কামা হাস্পতাল, আৰু বৰ্তমান নৰিমান লাইট হাউচ নামেৰে পৰিচিত নৰিমান হাউচ ইহুদী কমিউনিটি চেণ্টাৰকে ধৰি কেইবাটাও বিশিষ্ট স্থানক লক্ষ্য কৰি লৈছিল।
২০১০ চনৰ মে’ মাহত এই কাণ্ডৰ অভিযুক্ত কাচভে মৃত্যুদণ্ড লাভ কৰিছিল আৰু দুবছৰৰ অন্তত পুনে চহৰৰ উচ্চ নিৰাপত্তাসম্পন্ন কাৰাগাৰত ফাঁচী দিয়া হৈছিল।
দেশবাসীয়ে এই আক্ৰমণ পাহৰিব নোৱাৰে।
