সোতৰজন লোক শনিবাৰে ত্ৰিপুৰাত ক’ভিড-১৯ পজিটিভ চিনাক্ত হৈছে আৰু ৰাজ্যখনত মুঠ আক্ৰান্তৰ সংখ্যা ১৩৬লৈ বৃদ্ধি পাইছে।
নতুনকৈ চিনাক্ত হোৱা ক’ভিড-১৯ পজিটিভ ব্যক্তিকেইগৰাকীও ঢালাই জিলাৰ আম্বাছাস্থিত বি এছ এফৰ ৮৬নং বেটেলিয়নৰ।
মুখ্য মন্ত্ৰী বিপ্লব কুমাৰ দেবে টুইটাৰযোগে এই কথা সদৰী কৰিছে।
ALERT !
17 persons found #COVID19 POSITIVE in Tripura today from 86th-Bn #BSF, Ambassa. No Civilian found POSITIVE among them.
✔️Total #COVID19 active cases in Tripura now stands: 132
✔️ Transferred out: 02
✔️Recovered: 02Updated at : 10:00 pm, 9th May.#TripuraCovid19Count
— Biplab Kumar Deb (@BjpBiplab) May 9, 2020
শুকুৰবাৰে ৰাজ্যখনত ২৯ গৰাকী বি এছ এফ জোৱান আৰু এজন ট্ৰাক ড্ৰাইভাৰ ক’ভিড-১৯ আক্ৰান্তৰূপে চিনাক্ত হৈছিল।
তাৰ পূৰ্বেও চলিত সপ্তাহজুৰি ধাৰাবাহিকভাৱে বি এছ এফ বেটেলিয়নকেইটাত ক’ভিড-১৯ পজিটিভ চিনাক্ত হৈ আহিছিল।
ঢালাই জিলাক ইতিমধ্যে ৰেড জ’নৰূপে ঘোষণা কৰা হৈছে।
তাৰোপৰি বি এছ এফৰ ১৩৮নং বেটেলিয়নৰ মুখ্য কাৰ্য্যালয়কে ধৰি গাণ্ডাচেৰা গাঁৱৰ এটা শিৱিৰ আৰু কৰীনা সীমা চকীক কণ্টেইনমেণ্ট জ’ন ঘোষণা কৰা হৈছে।
ৰাজ্যখনত বৰ্তমান সক্ৰিয় ৰোগী আছে ১৩২ গৰাকী।
দুগৰাকী ক’ভিড-১৯ আক্ৰান্ত ব্যক্তিয়ে আৰোগ্য লাভ কৰিছে আৰু দুগৰাকীক আন ঠাইলৈ পঠিওৱা হৈছে।
