চোৰ কাহিনী বহু শুনিব পোৱা যায়। কিন্তু টয়লেট চুৰিৰ ঘটনা আপুনি কেতিয়াবা শুনিছেনে? শুনিবলৈ আচৰিত যেন লাগিলেও এয়া সঁচা ঘটনা।
লণ্ডনত চোৰে এটা টয়লেটকে চোৰ কৰি নিলে। প্ৰথমতে শুনিলে আপোনাৰ ইয়াক আজৱ ঘটনা যেন লাগিব পাৰে কিয়নো চোৰেনো কিয় টয়লেট চোৰ কৰিবলৈ গ’ল।
কিন্তু আপুনি জানি থওক, এই টয়লেট সাধাৰণ টয়লেট নহয়। এইটো বিশ্বৰ আটাইতকৈ দামী টয়লেট আছিল আৰু ই আছিল সোণেৰে নিৰ্মিত।
সোণেৰে নিৰ্মিত এই টয়লেটৰ দাম প্ৰায় ৩৫ কোটি টকা বুলি কোৱা হৈছে।
সোণৰ এই টয়লেটটো নিৰ্মাণ কৰিছিল ইটালীৰ শিল্পী মাৰিজেঅ’ কেটলেনে। অৱশ্যে,সোণেৰে তৈয়াৰ কৰা হ’লেও ইয়াক সাধাৰণ টয়লেটৰ দৰে তৈয়াৰ কৰা হৈছিল। ইয়াত সকলো সুবিধা উপলব্ধ কৰোৱা হৈছে।
সোণেৰে তৈয়াৰ কৰা এই টয়লেটটো ব্লেনহেম পেলেচত আয়োজিত এক প্ৰদৰ্শনীত ৰখা হৈছিল। ইংলেণ্ডৰ অক্সফ’ৰ্ডশ্বায়াৰৰ ব্লেনহেম পেলেচত বনোৱা বাথৰুমত ১৮ কেৰেট সোণৰ টয়লেটটো লগোৱা হৈছিল যিটো চোৰে চোৰ কৰি লৈ যায়।
আমোদজনকভাৱে এই টয়লেটটোৰ নাম হৈছে আমেৰিকা।
ব্লেনহেম পেলেচৰ সূত্ৰই জানিব দিয়া মতে, টয়লেটটো ১৪ ছেপ্টেম্বৰৰ ৰাতিপুৱা ৪.৫০ বজাত চুৰি হয়।
টয়লেটৰ ৰুমটোৰ পৰা বাহিৰলৈ পানী ভাহি অহা চকুত পৰাৰ সময়তে টয়লেটটো চুৰি হোৱাৰ কথা জানিব পৰা যায়।
টয়লেটটো সাধাৰণ নাগৰিকৰ বাবে যোৱা বৃহস্পতিবাৰে মুকলি কৰি দিয়া হৈছিল। চুৰিৰ সন্দেহত এগৰাকী ৬৬ বছৰীয়া লোকক গ্ৰেপ্তাৰ কৰা হৈছে।
সোণৰ এই টয়লেটটোৰ সন্ধান অব্যাহত ৰখা হৈছে। আৰক্ষীয়ে চুৰি কৰা লোকসকলক শীঘ্ৰেই গ্ৰেপ্তাৰ কৰাৰ আশা কৰিছে।
‘আমেৰিকা’ নামেৰে পৰিচিত হৈ পৰা এই টয়লেটটো সৰ্বপ্ৰথম ২০১৬’ত নিউয়ৰ্ক মহানগৰীৰ গগেনহাইমত প্ৰদৰ্শন কৰা হৈছিল।
টয়লেটটো এবাৰ আমেৰিকাৰ ৰাষ্ট্ৰপতি ডোনাল্ড ট্ৰাম্পকো ঋণত অ’ফাৰ দিয়া হৈছিল।