পাকিস্তানৰ চোৰাংচোৱা সংস্থা আইএছআইৰ দুজন গুপ্তচৰৰ স’তে সম্পৰ্ক কৰি ধৰা পৰিল এহাল ভগ্নী।
চাঞ্চল্যকৰ ঘটনাটো সংঘটিত হৈছে মধ্যপ্ৰদেশৰ ইন্দোৰত।
চহৰখনৰ এমহাউ কেণ্টনমেণ্ট অঞ্চলৰ পৰা আৰক্ষীয়ে ভগ্নীহালক আটক কৰিছে।
ভগ্নীহালে দুজন পাকিস্তানী নাগৰিকৰ স’তে অনলাইনযোগে সম্পৰ্ক কৰি আহিছে।
আৰক্ষীয়ে সন্দেহ কৰিছে যে পাকিস্তানী নাগৰিক দুজন আইএছআইৰ সদস্য আৰু ভগ্নীহালেও চোৰাংচোৱাগিৰি কৰি আছে।
ভগ্নীহালৰ বয়স ক্ৰমে ৩২ আৰু ২৮।
দুয়ো চহৰখনৰ ডঃ আম্বেদকাৰ নগৰৰ এখন বিদ্যালয়ত শিক্ষকতা কৰে।
আৰক্ষী আৰু চোৰাংচোৱা সংস্থাই বৰ্তমান বিষয়টো অনুসন্ধান কৰি আছে।
অভিযোগ অনুসৰি ভগ্নীহালে ভুৱা পৰিচয়েৰে সামাজিক মাধ্যমযোগে যোৱা এবছৰ ধৰি পাকিস্তানৰ লোক দুজনৰ স’তে সম্পৰ্ক ৰাখি আহিছে।
পাকিস্তানী লোক দুজনক মহছিন খান আৰু দিলাৱাৰ খান নামে জানিব পৰা গৈছে।
