ৰাজ্যত ১৪৮৫ লৈ বৃদ্ধি পাইছে কৰ’না আক্ৰান্ত ৰোগীৰ সংখ্যা।
সোমবাৰে নিশাৰ ভাগত ৰাজ্যত পুনৰ একেলগে ২২ গৰাকীৰ দেহত পোৱা গৈছে কোভিড-১৯ৰ উপস্থিতি।
ইয়াৰে ১০ গৰাকী কামৰূপ গ্ৰাম্য, ছয়গৰাকী মৰিগাঁও, তিনিগৰাকী বিমান যাত্ৰী, দুগৰাকী গোৱালপাৰা আৰু এগৰাকী চিনাক্ত কৰিব পৰা নাই।
বৰ্তমান ১১৯৪ গৰাকী লোক এই ক’ৰ’না ভাইৰাছত আক্ৰান্ত হৈ চিকিৎসাধীন হৈ আছে আৰু তাৰ বিপৰীতে ২৮৪ জনক চিকিৎসালয়ৰ পৰা মুক্তি দিয়া হৈছে ৷
এতিয়ালৈ চাৰিগৰাকী মৃত্যু মুখত পৰিছে ৷
টুইটাৰযোগে এই কথা উল্লেখ কৰিছে স্বাস্থ্য মন্ত্ৰী ডঃ হিমন্ত বিশ্ব শৰ্মাই।
?Alert ~ 22 new cases of #COVID19+
10 Kamrup Rural, 6 Morigaon, 3 air traveller, 2 Goalpara, 1 to ascertain
↗️Total cases 1485
↗️Recovered 284
↗️Active cases 1194
↗️Deaths 04Update 11:55 PM / June 1 / Day's total 124 pic.twitter.com/tdmLvTyS0G
— Himanta Biswa Sarma (@himantabiswa) June 1, 2020
সোমবাৰেই গধূলি ইয়াৰ কিছু সময় পূৰ্বে আন ৭৩ গৰাকী লোকৰ দেহত কোভিড-১৯ৰ উপস্থিতি ধৰা পৰিছিল।
এই আক্ৰান্ত সকলৰ ৩০ গৰাকী কুৱেইটৰ পৰা অহা বিমান যাত্ৰী, ১২ গৰাকী কাছাৰ, ১০ গৰাকী কামৰূপ, ৯ গৰাকী কৰিমগঞ্জ, ৭ গৰাকী কোকৰাঝাৰ, দুগৰাকী হাইলাকান্দি, ১ গৰাকীকৈ বৰপেটা, নগাওঁ আৰু যোৰহাটৰ আছিল।
সেইদৰে সোমবাৰে সন্ধিয়া ৬ গৰাকী লোকৰ দেহত ধৰা পৰিছিল কৰ’না ভাইৰাছৰ উপস্থিতি।
আক্ৰান্ত সকলৰ ৪ গৰাকী চৰাইদেউ, এগৰাকী শিৱসাগৰ, এগৰাকী নগাওঁ জিলাৰ আছিল।
আনহাতে, সোমবাৰে দিনৰ ভাগত একেলগে ২৩ গৰাকী লোক আক্ৰান্ত হৈছিল কৰ’নাত। তাৰে ১১ গৰাকী বৰপেটা, ৫ গৰাকী ওদালগুৰি, ৩ গৰাকী ধুবুৰী, দৰঙৰ তিনিগৰাকী আৰু শোণিতপুৰ জিলাৰ এগৰাকী।
দেওবাৰৰ পৰা এতিয়ালৈকে ২৬৯ গৰাকী লোক আক্ৰান্ত হৈছে ক’ৰ’ণাত।
যোৱা ৩০ মে দিনা ১৫৯ গৰাকী বৰ্তমানলৈকে আক্ৰান্ত হৈছিল।
২৯ মে’ত ১৭৭ গৰাকী আক্ৰান্ত হৈছিল ক’ৰ’ণা ভাইৰাছত।
২৮ মে দিনটোত ৰাজ্যত ৯৭ গৰাকী লোক আক্ৰান্ত হৈছিল ক’ৰ’ণা ভাইৰাছত।
যোৱা ২৭ মেত ১০১ গৰাকী লোক ক’ৰ’ণাত আক্ৰান্ত হৈছিল।
ৰাজ্যত এসপ্তাহৰ ভিতৰত সাত শতাধিক লোক কোভিড-১৯ ত আক্ৰান্ত হৈছে।
উল্লেখযোগ্য যে, যোৱা ১৩ মে’ ৰ পৰা আজিলৈকে মুঠ ১৪১৪ গৰাকী লোক আক্ৰান্ত হৈছে এই মাৰাত্মক কোভিড-১৯ত।
