সাধাৰণতে ধৰ্মীয় ব্যৱস্থাত মহিলাৰ স্থান অতি নিম্ন বুলি জ্ঞান কৰা হয়। দেশৰ সমাজ ব্যৱস্থাতো মহিলাৰ স্থান এতিয়াও নিম্ন স্তৰতে আছে।
তেনে সময়তে বাঁওপন্থী শাসিত দক্ষিণ ভাৰতীয় ৰাজ্য কেৰালাত লিংগ সমতাৰ এক উৎকৃষ্ট নিদৰ্শন দেখিবলৈ পোৱা গৈছে।
প্ৰচলিত পুৰুষতান্ত্ৰিক সমাজ ব্যৱস্থাক ভ্ৰুকুটি দেখুৱাই ৰাজ্যখনত ২২ গৰাকী মহিলা পুৰোহিত হিন্দু বিশ্বাসত আৱদ্ধ পূজা কৰিবলৈ সাজু হৈছে।
দীৰ্ঘদিন ধৰি হিন্দু ধৰ্মত এক শ্ৰেণীৰ পুৰুষৰ একচেটিয়া অধিকাৰ থকা অধিকাৰক এতিয়া মহিলাসকলে প্ৰত্যাহ্বান জনাব, যিসকলে আনুষ্ঠানিকভাৱে পুৰোহিতৰ শ্ৰেণীত প্ৰৱেশ কৰিছে।
যোৱা সপ্তাহত এই মহিলা পুৰোহিতসকলে মুভাট্টুপুঝাৰ ওচৰৰ নাগাৰাজা ক্ষেত্ৰম পেৰামঙ্গলমত কেভি সুভাষ থান্ত্ৰিৰ পৰা ‘দীক্ষা’ লাভ কৰে।
“বৈষম্যৰ ওপৰত নিৰ্ভৰ কৰা নিয়মবোৰ ভংগ কৰাৰ বাবে এইয়া কৰণীয় আছিল। বেছিভাগ ভক্তৰ মাজত মহিলাৰ সংখ্যা আছে। তেন্তে তেওঁলোকক কেনেকৈ পুৰোহিতৰ দায়িত্ব পালন কৰিবলৈ অনুমতি দিয়া নহ’ব?” সুভাষ থান্ত্ৰীয়ে কয়।
“এইটো ক’তো কোৱা হোৱা নাই যে মহিলাসকলে পূজা কৰিব নোৱাৰে।”- তেওঁ লগতে কয়।
“যি লোকৰ বিশ্বাস আছে আৰু ৰীতি-নীতি শিকিছে তেওঁ পূজা কৰিব পাৰে। লিংগ বা জাতিৰ ওপৰত আধাৰিত কোনো বৈষম্য থাকিব নালাগে।” থান্ত্ৰীয়ে মন্তব্য কৰে।
মহিলা পুৰোহিতসকলে ‘ভগৱতী সেৱা’ আৰু ‘গণপতি হোম’ৰ দৰে পূজা কৰিবলৈ সাজু হৈছে। থান্ত্ৰীয়ে ভক্তসকলৰ পৰা মহিলাসকলৰ দ্বাৰা এই পূজা বোৰ পৰিচালনা কৰিবলৈ অনুৰোধ লাভ কৰিছে। সুভাষ থান্ত্ৰীয়ে আৰু ১৩ গৰাকী মহিলাক প্ৰশিক্ষণ দি আছে যিয়ে অহা সপ্তাহত দীক্ষা লাভ কৰিব।
বহু বছৰ ধৰি মন্দিৰবোৰত ৰীতি-নীতি পালন কৰাৰ অধিকাৰ ব্ৰাহ্মণ জাতিৰ পুৰুষসকলৰ বাবে সংৰক্ষিত হৈ আছে। শেহতীয়াকৈ কেৰালাৰ দেৱস্বম বোৰ্ডমন্দিৰত আন জাতিৰ পুৰুষসকলক ৰীতি-নীতি পালন কৰিবলৈ অনুমতি দিয়া হৈছিল।
তামিলনাডুৰ এম কে ষ্টালিন চৰকাৰে শেহতীয়াকৈ ঘোষণা কৰিছে যে প্ৰশিক্ষিত মহিলাসকলক মন্দিৰৰ পুৰোহিত হিচাপে অনুমতি দিয়া হ’ব।
তামিলনাডু চৰকাৰৰ এই সিদ্ধান্তৰ কেইসপ্তাহমান পিছত কেৰালাত মহিলা পুৰোহিতৰ দীক্ষা লোৱা হৈছিল। সকলো মহিলাক দুবছৰৰ বাবে কঠোৰ প্ৰশিক্ষণ দিয়া হৈছিল। কোভিড আৰম্ভ হোৱাৰ পৰাই শ্ৰেণীবোৰ অনলাইনত অনুষ্ঠিত হৈছিল।
পুৰোহিতৰ দায়িত্ব অধ্যয়ন কৰিবলৈ চাকৰি এৰি দিয়া ৪৩ বছৰীয়া একাউণ্টেণ্ট লাথা সুধীৰে কয় যে তেওঁৰ সকলো প্ৰাৰম্ভিক স্মৃতি মন্দিৰৰ সৈতে সম্পৰ্কিত আছিল। “চূড়ান্ত সপোন টো হ’ল মন্দিৰসমূহত ৰীতি-নীতি পালন কৰিবলৈ সক্ষম হোৱা। মই আশা কৰোঁ সমাজ সলনি হ’ব আৰু অধিক গ্ৰহণযোগ্য হ’ব ” তেওঁ কয়।
উল্লেখ্য যে, প্ৰশিক্ষিত মহিলা পুৰোহিতসকলৰ ভিতৰত ইছলাম আৰু খ্ৰীষ্টান ধৰ্ম অনুসৰণ কৰা মহিলাও আছে।
২৫ বছৰীয়া আয়শা নামৰ মহিলাগৰাকীয়ে হিন্দু বিশ্বাসৰ মন্ত্ৰ শিকিবলৈ দেওবাৰৰ সকলো সন্ধিয়া উৎসৰ্গা কৰিছিল আৰু এতিয়া পুৰোহিতৰ ৰীতি-নীতিৰ পৃথিৱীত প্ৰৱেশ কৰিছে ।
খ্ৰীষ্টান ধৰ্ম্মৰ ৩৫ বছৰীয়া লিনেট পি জয়ে কয় যে তেওঁ সদায়ে এক ঈশ্বৰীয় আহ্বান কৰিছিল আৰু এতিয়া ইয়াৰ উত্তৰ দিবলৈ সক্ষম হৈছে।
“মই ১৪ বছৰ ধৰি গায়ক দলত গান গাইছিলো। ইয়াৰ বাবে সমৰ্পণৰ প্ৰয়োজন আৰু মই সদায় ঐশ্বৰিক শক্তিত বিশ্বাস কৰিছিলো। সকলো ৰীতি-নীতি শিকাৰ পিছত, মই অনুভৱ কৰো যে মই অধিক লোকক সহায় কৰিব পাৰো। ইয়াৰ চূড়ান্ত লক্ষ্য হৈছে মন্দিৰত দায়িত্ব পালন কৰা।” ত্ৰিচুৰৰ বাসিন্দা লিনেটে কয়।
সুভাষ থান্ত্ৰীয়ে কয় যে এই মহিলাসকলৰ বাবে আগন্তুক পথ সহজ নহ’ব। “লক্ষ্য হৈছে মন্দিৰত মহিলা পুৰোহিতসকলে ৰীতি-নীতি পালন কৰা। এইটো এটা সূদূৰপ্ৰসাৰী যাত্ৰা হ’বলৈ গৈ আছে। কিন্তু আমি সফল হ’ম আৰু সমাজ সলনি হ’ব।” তেওঁ কয়।
