অসমত ২৩৭২ নতুন ক’ভিড আক্ৰান্ত, পজিটিভৰ হাৰ ৪.২৫%

২৩৭২গৰাকী ব্যক্তি অসমত বৃহস্পতিবাৰে ক’ভিড১৯ পজিটিভ চিনাক্ত হৈছে।

এইসকলৰ ভিতৰত আছে— কামৰূপ মহানগৰৰ ৪৭০, নগাঁৱৰ ১৯৭, কাছাৰৰ ১৬৩, ডিব্ৰুগড়ৰ ১২৮, তিনিচুকীয়াৰ ১২২ আৰু যোৰহাটৰ ১০৪গৰাকী ব্যক্তি।

অৱশ্যে অসমত টেষ্টৰ তুলনাত ক’ভিড পজিটিভৰ হাৰ হ্ৰাস পাইছে।

যোৱা ২৪ ঘণ্টাত অসমত ৫৫,৬৭১টা ক’ভিড টেষ্ট সম্পন্ন হোৱাৰ বিপৰীতে পজিটিভৰ হাৰ ৪.২৫ শতাংশ।

স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য সদৰী কৰিছে।

নতুনকৈ চিনাক্তসকলক ধৰি অসমত সক্ৰিয় ক’ভিড ৰোগীৰ সংখ্যা ১৬,৭৯৬লৈ বৃদ্ধি পাইছে।

ইপিনে বৃহস্পতিবাৰে আৰু পাঁচগৰাকী ক’ভিড ৰোগীৰ মৃত্যুৰ সৈতে অসমত মুঠ মৃতকৰ সংখ্যা ১২৬লৈ বৃদ্ধি পাইছে।

অসমত এতিয়ালৈকে ৩৫,৮৯২গৰাকী ব্যক্তিয়ে ক’ভিডৰ পৰা আৰোগ্য লাভ কৰিছে।

অসমত এতিয়ালৈকে চিনাক্ত ক’ভিড ৰোগীৰ সংখ্যা হৈছে ৫২,৮১৭গৰাকী।

ইয়াৰে তিনিগৰাকী আন ঠাইলৈ স্থানান্তৰিত হৈছে।