অসমত শেহতীয়াকৈ বহু ক’ভিড-১৯ আক্ৰান্ত চিনাক্ত হোৱাৰ মাজতে আহিছে এক ভাল খবৰ।
বুধবাৰে ৰাজ্যখনত ২৫গৰাকী ব্যক্তিয়ে ক’ভিড-১৯ৰ পৰা আৰোগ্য লাভ কৰিছে আৰু তেওঁলোকক চিকিৎসালয়ৰ পৰা যাবলৈ দিয়া হৈছে।
ফলত ৰাজ্যত সক্ৰিয় ক’ভিড-১৯ ৰোগীৰ সংখ্যা ৬৮০লৈ হ্ৰাস পাইছে।
বুধবাৰে ২২ গৰাকীক গুৱাহাটীৰ মহেন্দ্ৰ মোহন চৌধুৰী চিকিৎসালয়ৰ পৰা, দুগৰাকীক শিলচৰ মেডিকেল কলেজৰ পৰা আৰু এগৰাকীক যোৰহাট মেডিকেল কলেজৰ পৰা যাবলৈ দিয়া হৈছে।
তেওঁলোকৰ দুটাকৈ পৰীক্ষাৰ অন্তত দুয়োটাতে ফলাফল নিগেটিভ অহাত তেওঁলোক ক’ৰ’ণামুক্ত বুলি ঘোষণা কৰে চিকিৎসকে।
স্বাস্থ্য মন্ত্ৰী ডঃ হিমন্ত বিশ্ব শৰ্মাই টুইটাৰত এই তথ্য সদৰী কৰিছে।
📌 Discharge Alert –
Glad to share that total 25 patients have been discharged today in Assam after being tested #COVID19 negative twice.
22 from MMCH, 2 from SMCH & 1 from JMCH
Total discharged patients – 87
Active patients – 680Update 7:15 PM / May 27#AssamCovidCount pic.twitter.com/uFNPRXAAha
— Himanta Biswa Sarma (@himantabiswa) May 27, 2020
এইকেইগৰাকী ব্যক্তিকে ধৰি ৰাজ্যত এতিয়ালৈকে ৮৭ গৰাকী লোক ক’ৰ’ণামুক্ত হৈছে আৰু তেওঁলোকক চিকিৎসালয়ৰ পৰা যাবলৈ দিয়া হৈছে।
এইপৰ্য্যন্ত ৰাজ্যত মুঠ ৭৭৪গৰাকী ক’ভিড-১৯ আক্ৰান্ত চিনাক্ত হৈছে। তাৰে চাৰিগৰাকীৰ মৃত্যু হোৱাৰ বিপৰীতে তিনিগৰাকীক আন স্থানলৈ স্থানান্তৰিত কৰা হৈছে।
