ক’ভিড-১৯ৰ দ্বিতীয় ঢৌত দেশজুৰি ২৬৯ জনকৈ চিকিৎসকৰ মৃত্যু হৈছিল।
ভাৰতীয় চিকিৎসা সংস্থাই (আইএমএ) মঙলবাৰে এই তথ্য প্ৰকাশ কৰিছে।
এইক্ষেত্ৰত বিহাৰ শীৰ্ষস্থানত আছে।
ৰাজ্যখনত ৭৮ জনকৈ চিকিৎসক ক’ভিড-১৯ত আক্ৰান্ত হৈ মৃত্যু হৈছে।
তাৰপাছতে আছে উত্তৰপ্ৰদেশ।
উত্তৰপ্ৰদেশত মৃত্যু হৈছে ৩৭জন চিকিৎসক।
উল্লেখযোগ্য যে, আজি পুৱা সংস্থাটোৰ প্ৰাক্তন ৰাষ্ট্ৰীয় অধ্যক্ষ ডাঃ কে কে আগৰৱালাৰ দিল্লীৰ এইমছত আক্ৰান্ত হৈ মৃত্যু হয়।
দিল্লীস্থিত এইমছত মৃত্যুবৰণ কৰা ডাঃ আগৰাৱালই দেশৰ ক’ভিডবিৰোধী যুঁজত অগ্ৰণী ভূমিকা গ্ৰহণ কৰিছিল।