গোলাঘাট বিধান সমষ্টিত প্ৰথম পৰ্যায়ৰ ভোটগ্ৰহণৰ বাবে সাজু ২৮৮ টা ভোটগ্ৰহণ কেন্দ্ৰ

২৭ মাৰ্চত অনুষ্ঠিত হ’ব প্ৰথম পৰ্যায়ৰ নিৰ্বাচন ভোটগ্ৰহণ প্ৰক্ৰিয়া। প্ৰথম পৰ্যায়ত গোলাঘাটৰ তিনি টা বিধানসভা সমষ্টিতো অনুষ্ঠিত হ’ব ভোটগ্ৰহণ।

নিৰ্বাচনৰ  ভোটগ্ৰহণৰ বাবে সাজু গোলাঘাট জিলা প্ৰশাসন।

ইতিমধ্যে নিজ নিজ ভোটকেন্দ্ৰলৈ ৰাওনা হৈছে প্ৰিজাইডিং অফিচাৰ, পুলিং অফিচাৰসকল।

গোলাঘাটৰ আবাসিক ছোৱালী পলিটেকনিকৰ পৰা নিজ নিজ ভোটগ্ৰহণ কেন্দ্ৰলৈ যাত্ৰা আৰম্ভ ককিছে নিৰ্বাচনৰ দায়িত্বত নিয়োজিত বিষয়া কৰ্মচাৰীসকল।

গোলাঘাট বিধান সভা সমষ্টিৰ মুঠ ২৮৮ টা ভোট কেন্দ্ৰত ৩১৭গৰাকী প্ৰিজাইডিং অফিচাৰ ৯৫১গৰাকী পুলিং অফিচাৰ নিয়োজিত হৈছে।

সমষ্টিটোৰ মুঠ ২লাখ ২হাজাৰ ১৪২গৰাকী ভোটাৰে সাব্যস্ত কৰিব ভোট।

ঠিক সেইদৰে খুমটাই বিধান সভা সমষ্টিৰ মুঠ ১৯৮ টা ভোট কেন্দ্ৰলৈ ২১৯গৰাকী প্ৰিজাইডিং অফিচাৰ ৬৫৭গৰাকী পুলিং অফিচাৰ ৰাওনা হৈছে। সমষ্টিটোৰ ১লাখ ৩৮ হাজাৰ ০৮৯ গৰাকী ভোটাৰে কাইলৈ কৰিব ভোটদান ।