৩ ভাৰতীয়ৰ মৃত্যু, যুৱচামৰ প্ৰতিবাদ! ইফালে মেলোনীৰ সৈতে ইনষ্টাগ্ৰাম ৰীলৰ কথাত ব্যস্ত মোদী, তীব্ৰ সমালোচনা কংগ্ৰেছৰ
পৃথিৱীৰ ডাঙৰ সমস্যাবোৰৰ বিষয়ে আলোচনা কৰিবলৈ ফ্ৰান্সত অনুষ্ঠিত হোৱা জি-ছেভেন সন্মিলনত বিশ্বৰ নেতাসকলে কিছু পাতল কথা-বতৰাও পাতিছিল। সমাজিক মাধ্যমত এনেকুৱা বহুতো চুটি ভিডিঅ‘ বিয়পি পৰিছে। ইয়াৰে এটা ভিডিঅ’ত ভাৰতৰ প্ৰধানমন্ত্ৰী নৰেন্দ্ৰ মোদী আৰু ইটালীৰ প্ৰধানমন্ত্ৰী জৰ্জিয়া মেলোনীৰ কথা-বতৰা দেখুৱা হৈছে। এই কথা-বতৰাক লৈ কংগ্ৰেছ দলে যথেষ্ট ক্ষোভ প্ৰকাশ কৰিছে আৰু দলটোৰ নেত্ৰী সুপ্ৰিয়া শ্ৰীনেতে প্ৰধানমন্ত্ৰীগৰাকীক তীব্ৰ সমালোচনা কৰিছে।
Shocked that PM Modi, Prime Minister of 145 crore Indians, went to the G7 Summit and cracked jokes about Instagram reels.
This at a time when nations gathered to discuss issues like geopolitical crises, economic stability, emerging tech.
This is especially shocking when three… pic.twitter.com/8qhavhTdsH
— Supriya Shrinate (@SupriyaShrinate) June 17, 2026
জি-ছেভেন সন্মিলনত অংশগ্ৰহণ কৰা প্ৰধানমন্ত্ৰী মোদীৰ এই ভাইৰেল হোৱা ফটো আৰু ভিডিঅ‘ক লৈ কংগ্ৰেছে আক্ৰমণ কৰিছে। কংগ্ৰেছৰ মুখপাত্ৰ সুপ্ৰিয়া শ্ৰীনেতে কয় যে ১৪৫ কোটি ভাৰতীয়ৰ প্ৰধানমন্ত্ৰীগৰাকীয়ে জি-ছেভেন সন্মিলনলৈ গৈ ইনষ্টাগ্ৰাম ৰিলৰ বিষয়ে ধেমালি কৰা দেখি তেওঁ আচৰিত হৈছে। এনে এক সময়ত এইবোৰ ঘটিছে যেতিয়া বিভিন্ন দেশৰ নেতাসকলে ৰাজনৈতিক সংকট, অৰ্থনৈতিক অৱস্থা আৰু নতুন প্ৰযুক্তিৰ দৰে গুৰুত্বপূৰ্ণ বিষয়ত আলোচনা কৰিবলৈ গোট খাইছিল। তেওঁ লগতে কয় যে আমেৰিকাত তিনিগৰাকী ভাৰতীয়ক নিষ্ঠুৰভাৱে হত্যা কৰা হৈছে আৰু ভাৰতৰ ৰাজপথত যুৱচামে প্ৰতিবাদ কৰি আছে, তেনে সময়ত এনেকুৱা আচৰণ সঁচাকৈয়ে দুখজনক।
HUGE 🚨 Meloni tells PM Modi after their viral “Melody” toffee post hit 10 million Instagram likes.
“Nice to see you again. We are the most famous on Instagram.” 😅🔥 pic.twitter.com/SUhRnb10UD
— News Algebra (@NewsAlgebraIND) June 16, 2026
ভাইৰেল হোৱা ভিডিঅ‘টোত দেখা গৈছে যে সন্মিলনৰ সময়ত যেতিয়া আমেৰিকাৰ ৰাষ্ট্ৰপতিকে ধৰি বিশ্বৰ আন আন ডাঙৰ নেতাসকল একেলগে ফটো উঠিবলৈ গোট খাইছিল, তেতিয়াই প্ৰধানমন্ত্ৰী মোদী আৰু জৰ্জিয়া মেলোনীয়ে ইজনে সিজনৰ সৈতে অতি আন্তৰিকতাৰে হাত মিলাইছিল। মেলোনীয়ে হাঁহি হাঁহি প্ৰধানমন্ত্ৰী মোদীক কৈছিল যে তেওঁক আকৌ লগ পাই বহুত ভাল লাগিছে। ইয়াৰ পিছতেই দুয়োগৰাকী নেতাৰ মাজত অতি আকৰ্ষণীয় কথা-বতৰা হৈছিল।
Melody has gone favorite among the kids too pic.twitter.com/XwPTJ53JAM
— Big Breaking ⚡ (@bigbreakingit) June 16, 2026
প্ৰধানমন্ত্ৰী মোদীয়ে হাঁহি হাঁহি মেলোনীক সমাজিক মাধ্যমত তেওঁৰ জনপ্ৰিয়তাৰ বিষয়ে কৈছিল। ইয়াৰ উত্তৰত ইটালীৰ প্ৰধানমন্ত্ৰীগৰাকীয়ে তৎক্ষণাৎ হাঁহি মাৰি কয় যে হয়, আমি দুয়ো ইনষ্টাগ্ৰামত আটাইতকৈ বেছি জনপ্ৰিয়। অৱশ্যে ভিডিঅ’টোৰ মাতটো সিমান স্পষ্ট নহয় আৰু বহু মানুহে এই কথাত আচৰিত হৈছে যে সঁচাকৈয়ে মোদীয়ে জি-ছেভেন সন্মিলনৰ দৰে গুৰুত্বপূৰ্ণ স্থানত ৰিল আৰু ইনষ্টাগ্ৰামৰ কথা পাতিছিল নেকি। এই ভিডিঅ’বোৰক লৈ মানুহৰ মাজত ভিন ভিন মত দেখা গৈছে, একাংশই ইয়াক সঁচা বুলি কৈছে আৰু আন একাংশই ইয়াক কৃত্ৰিম বুদ্ধিমত্তাৰ দ্বাৰা বনোৱা বুলি দাবী কৰিছে।
Italy’s Meloni says she quit smoking at G7 Summit. pic.twitter.com/Z3NFztqS6m
— Clash Report (@clashreport) June 16, 2026
এই সন্মিলনৰ সময়তেই চৰকাৰী বৈঠকৰ বাহিৰেও আন এটি আকৰ্ষণীয় ভিডিঅ‘ বিয়পি পৰিছে। এই ভিডিঅ’টোত জৰ্জিয়া মেলোনীৰ সৈতে জাৰ্মানী, ব্ৰিটেইন আৰু আন কেইবাখনো দেশৰ নেতাসকল উপস্থিত আছিল। এই সময়তে মেলোনীয়ে বিশ্বৰ নেতাসকলৰ আগত এটা ডাঙৰ কথা প্ৰকাশ কৰি কয় যে তেওঁ এমাহ আগতেই চিগাৰেট খোৱা এৰি দিছে। এতিয়া টোপনি আঁতৰাবলৈ তেওঁ কেৱল কফী খায় আৰু সেইদিনা তেওঁ ইতিমধ্যে তিনি কাপ কফী খাইছিল বুলিও উল্লেখ কৰে।
🔴 Giorgia Meloni aussi attend avec impatience le départ d’E.Macron en 2027. pic.twitter.com/DMdn0JLRfH https://t.co/T39aWKEF5R
— FranceUnie 🇫🇷 (@FranceSouvUnie) June 16, 2026
উল্লেখ্য যে এমাহ আগতে প্ৰধানমন্ত্ৰী মোদীয়ে তেওঁৰ ৰোম ভ্ৰমণৰ সময়ত মেলোনীৰ বাবে উপহাৰ হিচাপে এটেমনা মেলডী নামৰ মিঠাই লৈ গৈছিল। ইণ্টাৰনেটত দুয়োগৰাকীৰ নামৰ পৰা সৃষ্টি হোৱা মেলডী নামৰ ধেমেলীয়া কথাবোৰলৈ লক্ষ্য ৰাখিয়েই এই উপহাৰ দিয়া হৈছিল। মেলোনীয়ে এই উপহাৰটো বহুত পছন্দ কৰিছিল আৰু এটা ভিডিঅ‘ৰ জৰিয়তে প্ৰধানমন্ত্ৰী মোদীক ধন্যবাদ জনাইছিল। সেই ভিডিঅ’টো দহ কোটিতকৈও অধিক মানুহে চাইছিল।