নগাঁও চহৰৰ আৱৰ্ত ভৱনৰ সমীপৰ আনন্দৰাম ঢেকীয়াল ফুকন সেঁতুত আজি দিনৰ প্ৰায় ১১ বজাত সংঘটিত হোৱা এক ঘটনাই সমগ্ৰ নগাঁও অঞ্চলত তীব্ৰ চাঞ্চল্যৰ সৃষ্টি কৰিছে।
উল্লেখযোগ্য যে মৰিগাঁও গীতা নগৰৰ বাসিন্দা নিজাম উদ্দিনে পত্নীৰ লগত তেজপুৰলৈ যোৱা গাড়ীত উঠিবলৈ হয়বৰগাঁৱৰ পৰা খোজ কাঢ়ি দলং পাৰ হওঁতেই সংঘটিত হয় এক অঘটন। পত্নীক এৰি হঠাৎ দলঙৰ পৰা কলঙত জাঁপ দিয়ে নিজাম উদ্দিনে।
জানিব পৰা মতে কলঙত জাপ দিয়া নিজাম উদ্দিন কিছু পৰিমাণে মানসিকভাৱে অসুস্থ আছিল বুলি জানিব পৰা গৈছে।
ইতিমধ্যে নগাঁও আৰক্ষী আৰু এন ডি আৰ এফে অভিযান চলায় ৫ ঘণ্টাৰ পিছত নিজাম উদ্দিনৰ মৃতদেহ উদ্ধাৰ কৰিবলৈ সক্ষম হয়।