মহাৰাষ্ট্ৰত ৩৭ গৰাকী কৰ্তব্যৰত আৰক্ষী কোভিদ-১৯-ত আক্ৰান্ত
মহাৰাষ্ট্ৰত ক’ৰ’না ভাইৰাছৰ সংক্ৰমণ দ্ৰুত গতিত অব্যাহত আছে। শেহতীয়াভাৱে ৰাজ্যখনত আঠগৰাকী বিষয়াকে ধৰি মুঠ ৩৭ গৰাকী আৰক্ষী বাহিনীৰ লোক ক’ৰ’না ভাইৰাছত আক্ৰান্ত হয়।
‘‘কৰ্তব্যত থকা সময়ত মহাৰাষ্ট্ৰ আৰক্ষীৰ ২৯ গৰাকী কনিষ্ঠবল আৰু ৮ গৰাকী বিষয়া কোভিদ-১৯ ত আক্ৰান্ত হয়,’’ শনিবাৰে মহাৰাষ্ট্ৰ চৰকাৰে এনেদৰে প্ৰকাশ কৰে।
জানিব পৰা মতে, কোভিদ-১৯-ত আক্ৰান্ত হোৱা অধিকাংশ লোক মুম্বাইৰ।
আনহাতে, মহাৰাষ্ট্ৰত বৰ্তমানলৈ মুঠ ৫২,৬২৫ গৰাকী ল’কডাউন উলংঘা কৰা ব্যক্তিৰ বিৰুদ্ধে গোচৰ ৰুজু কৰা হৈছে।
ইয়াৰ ভিতৰত আৰক্ষীয়ে এতিয়ালৈ মুঠ ১০,৭২৯ গৰাকী লোকক গ্ৰেপ্তাৰ কৰিছে।
তদুপৰি, মহাৰাষ্ট্ৰত ল’কডাউন ভংগ কৰা ব্যক্তি সকলে ব্যাৱহাৰ কৰা মুঠ ৩৩,৯৮৪ খন বাহন আৰক্ষীয়ে জব্দ কৰাৰ লগতে ১,৯১ কোটি টকা জৰিমনা আদায় কৰিছে।
উল্লেখযোগ্য যে, মহাৰাষ্ট্ৰত দেশৰ ভিতৰত অধিক ক’ৰ’না ভাইৰাছত আক্ৰান্ত হোৱা ৰোগী আছে।