আঠ ঘন্টাৰ ভিতৰত, ৰাজ্যখনত কৰণা ভাইৰাছত আক্ৰান্ত ৰোগীৰ সংখ্যা ২৪ জনলৈ বৃদ্ধি পালে।
শুকুৰবাৰে নিশা ১১.৩০ বজাত বজাত স্বাস্থ্য মন্ত্ৰী ড০ হিমন্ত বিশ্ব শৰ্মাই এটা টুইটযোগে এই কথা প্ৰকাশ কৰিছে।
Alert ~Three more #Covid_19 positive cases have been confirmed, one each from Kamrup (metro),Kamrup and Marigaon taking the total number in Assam to 23.
Two out of these three cases are of patients who are related to #NizamuddinMarkaz event .
Update at 11.25 pm / April 3
— Himanta Biswa Sarma (@himantabiswa) April 3, 2020
লগতে ইয়াৰ কিছু সময়ৰ পাছতে ১২:২০ বজাত আন এটা টুইটযোগে আন এজন ৰোগী ক’ৰ’ণা ভাইৰাছত আক্ৰান্ত বুলি স্বাস্থ্য মন্ত্ৰী ড০ হিমন্ত বিশ্ব শৰ্মাই জানিবলৈ দিয়ে।
Alert ~ One more #Covid_19 positive case from Golaghat has been confirmed, taking the total number in Assam to 24,
This case is related to #NizamuddinMarkaz event in Delhi.
Update at 00.19 am / April 4
— Himanta Biswa Sarma (@himantabiswa) April 3, 2020
ইয়াৰ লগে লগে ৰাজ্যখনত আক্ৰান্তৰ সংখ্যা ২৪ জন হ’লগৈ।
নতুনকৈ এই চাৰিজন আক্ৰান্তৰ তথ্য প্ৰকাশ পোৱাৰ পাছত মৰিগাঁও জিলাত আক্ৰান্তৰ সংখ্যা চাৰি জনলৈ বৃদ্ধি পালে। ইয়াৰ বিপৰীতে কামৰূপ আৰু কামৰূপ (মহানগৰ) জিলাত এয়া প্ৰথম আক্ৰান্ত চিনাক্ত হোৱা ঘটনা। একেদৰে গোলাঘাট জিলাত এতিয়া মুঠ আক্ৰান্তৰ সংখ্যা হ’লগৈ ৯ জন।
ৰাজ্যৰ ভিতৰতে সৰ্বাধিক ৯ গৰাকীকৈ ক’ৰ’নাত আক্ৰান্ত ৰোগী চিনাক্ত হোৱাৰ পিছত গোলাঘাট নগৰ আৰু ইয়াৰ পাৰ্শ্বৱৰ্তী এলেকাসমূহত এক চেপা আতংকই বিৰাজ কৰিছে।
এতিয়ালৈ চিনাক্ত হোৱা মুঠ ২৪ জন আক্ৰান্তৰ ২৩ জনৰেই নিজামুদ্দিন মাৰ্কাজৰ সৈতে সম্পৰ্ক আছে।
