ভাৰতত ক’ৰ’না ভাইৰাছে সংহাৰী ৰূপ ধাৰণ কৰাৰ সময়তে বৃহস্পতিবাৰৰ দিনটোত আহিছে কিছু ভাল খবৰ। স্বাস্থ্য মন্ত্ৰ্যালয়ৰ মতে দেশত ক’ৰ’না সংক্ৰমণৰ হাৰ কিছু পৰিমানে হ্ৰাস পাইছে।
যোৱা ২৪ ঘণ্টাত দেশত নতুনকৈ মাত্ৰ ৪২ গৰাকী লোকৰ শৰীৰত এই ভাইৰাছবিধ ধৰা পৰিছে আৰু চাৰিজন লোকৰ মৃত্যু হৈছে। এই কথা জনাইছে স্বাস্থ্য মন্ত্ৰ্যালয়ৰ যুটীয়া সঞ্চালক লব আগৰৱালে।
স্বাস্থ্য মন্ত্ৰ্যালয়ৰ মতে, দেশত এই পৰ্যন্ত ক’ৰ’না ভাইৰাছৰ ফলত ১৩ জন লোকৰ মৃত্যু হৈছে আৰু ৬৪৯ গৰাকী লোক ইয়াৰ আক্ৰান্ত হৈছে।
যুটীয়া সঞ্চালক লব আগৰৱালে কয়, ‘যোৱা ২৪ ঘণ্টাত নতুনকৈ ৪২ গৰাকী লোকৰ ক’ৰ’নাত আক্ৰান্ত হৈছে আৰু চাৰিজন লোকে প্ৰাণ হেৰুৱাইছে’।
তেওঁ লগতে দেশৰ বাবে এই কঠিন সময়ত সকলোকে সতৰ্কতা অৱলম্বন কৰিবলৈ আহ্বান জনায়। এই সন্দৰ্ভত আশা আৰু অংগনবাড়ি কৰ্মীসকলক প্ৰশিক্ষণ দি থকা হৈছে বুলিও জানিবলৈ দিয়ে।
উল্লেখ্য যে স্বাস্থ্য মন্ত্ৰ্যালয়ে ক’ৰ’না সংক্ৰমণৰ পৰীক্ষাৰ বাবে আজি দেশৰ আৰু ২৫টা প্ৰাইভেট লেবক অনুমতি প্ৰদান কৰে।