ত্ৰিপুৰাত বিশ্বজ্যিৎ ভট্টাচাৰ্য্য নামৰ এগৰাকী ৪৮ বছৰীয়া সাংবাদিকে আত্মহত্যা কৰাক লৈ চাঞ্চল্যৰ সৃষ্টি হৈছে।
ডি ডি নিউজত কৰ্মৰত সাংবাদিক গৰাকীয়ে ত্ৰিপুৰাৰ ঢলাই জিলাৰ নিজ বাসভৱনত শনিবাৰে নিশা আত্মহত্যা কৰে বুলি আৰক্ষীয়ে প্ৰকাশ কৰে।
‘‘শনিবাৰে ৰাতিপুৱা ভট্টাচাৰ্য্যক নিজ বাসভৱনত চিপ লৈ ওলমি থকা অৱস্থাত উদ্ধাৰ কৰা হয়,’’ ত্ৰিপুৰাৰ এগৰাকী আৰক্ষী বিষয়াই কয়।
আৰক্ষীয়ে বৰ্তমানলৈ আত্মহত্যাৰ প্ৰকৃত কাৰণ উৎঘাটন কৰিব পৰা নায়। ভট্টাচাৰ্য্যই আত্মহত্যা কৰাৰ সময়ত কোনোধৰণৰ চুইচাইড নোট লিখি থৈ যোৱা নাই বুলিও আৰক্ষীয়ে লগতে জানিবলৈ দিয়ে।
মৃত্যুৰ সময়ত ৪৮ বছৰীয়া সাংবাদিক গৰাকীয়ে পত্নী আৰু ১১ বছৰীয়া কন্যাক ইহ সংসাৰত এৰি থৈ যায়।
বিশ্বজিৎ ভট্টাচাৰ্য্যই মৃত্যুৰ পূৰ্বে ডি ডি নিউজৰ উপৰিও দৈনিক সংবাদ নামৰ ত্ৰিপুৰাৰ দৈনিক বাতৰি কাকতত কাম কৰিছিল।
আৰক্ষীয়ে ভট্টাচাৰ্য্যই পাৰিবাৰিক কাৰণত নে অন্য কাৰণত আত্মহত্যাৰ পথ বাছিল’বলগীয়া হ’ল সেই সম্বন্ধে অনুসন্ধান অব্যাহত ৰাখিছে।