মুম্বাই আৰক্ষীৰ অপৰাধ শাখাই আজি পলাতক ডন ডাউদ ইব্ৰাহিমৰ সৈতে জড়িত পাঁচ ব্যক্তিক এক ধন দাবীৰ গোচৰত গ্ৰেপ্তাৰ কৰিছে।
কিছুদিন পূৰ্বে ডাউদৰ ঘনিষ্ঠ সহযোগী চেলিম ফ্ৰুটক গ্ৰেপ্তাৰ কৰাৰ পিছত আজি এই পাঁচ সহযোগীক গ্ৰেপ্তাৰ কৰিছে মুম্বাই আৰক্ষীৰ অপৰাধ শাখাৰ এণ্টি-এক্সটৰ্চন চেলে।
যোৱা ১ অক্টোবৰত মুম্বাই অপৰাধ শাখাই ৬২ লাখ টকাৰ ধন দাবীৰ গোচৰত অভিযুক্ত চেলিম ফ্ৰুটক গ্ৰেপ্তাৰ কৰিছিল।
উল্লেখ্য যে চেলিম ফ্ৰুট হৈছে ডাউদৰ ঘনিষ্ঠ সহযোগী চোটা চাকিলৰ ভাতৃ। গত আগষ্ট মাহত ৰাষ্ট্ৰীয় অনুসন্ধান সংস্থাই চাকিলকো গ্ৰেপ্তাৰ কৰিছিল।
ডাউদৰ কোম্পানীৰ কাৰ্যকলাপৰ সৈতে সম্পৰ্কিত এক গোচৰত চোটা চাকিলক গ্ৰেপ্তাৰ কৰা হৈছিল।
আনহাতে ২৬ ছেপ্টেম্বৰত ডাউদৰ আন এজন সহায়ক ৰিয়াজ ভাটিক মুম্বাই আৰক্ষীৰ অপৰাধ শাখাৰ এণ্টি-এক্সটৰ্চন চেলে আন্ধেৰী অঞ্চলৰ পৰা ধন দাবীৰ গোচৰত গ্ৰেপ্তাৰ কৰিছিল।