ৰাজ্যখনত শনিবাৰে নতুনকৈ আৰু ৫৩৫গৰাকী লোকৰ দেহত কোভিড-১৯ পজিটিভ ধৰা পৰিছে।
ইয়াৰ ভিতৰত অকল গুৱাহাটীতে ৪১০গৰাকী লোক আক্ৰান্ত হৈছে।
ৰাজ্যখনত মুঠ কোভিড-১৯পজিটিভ ৰোগীৰ সংখ্যা ১৬০৭১ গৰাকীলৈ বৃদ্ধি পাইছে।
ৰাজ্যত এতিয়ালৈকে ১০৪২৬গৰাকী লোকে আৰোগ্য লাভ কৰিছে। বৰ্তমান সক্ৰিয় ৰোগীৰ সংখ্যা হৈছে ৫৬০৭ গৰাকী।
ৰাজ্যখনত কোভিড-১৯ত আক্ৰান্ত হৈ এতিয়ালৈকে ৩৫গৰাকী লোকৰ মৃত্যু হৈছে।
শনিবাৰে বাৰে নিশা এটা টুইটৰ জৰিয়তে ৰাজ্যখনৰ স্বাস্থ্য মন্ত্ৰী হিমন্ত বিশ্ব শৰ্মাই এই কথা সদৰী কৰিছে।
📌Alert ~ 535 new #COVID ve+ cases in Assam, 410 in Guwahati alone.
Hold on to care, precautions & hope a little longer. We shall win over #COVID together!
↗️Total cases 16071
↗️Recovered 10426
↗️Active cases 5607
↗️Deaths 3511:50 PM/July 11/ Day's total 535#AssamCovidCount pic.twitter.com/H82Aa1t2gk
— Himanta Biswa Sarma (@himantabiswa) July 11, 2020
ৰাজ্যখনত শুকুৰবাৰে ৯৩৬গৰাকী লোকৰ দেহত কোভিড-১৯ পজিটিভ ধৰা পৰিছিল।
ইয়াৰ ভিতৰত অকল গুৱাহাটীতে ৫২১গৰাকী লোক আক্ৰান্ত হৈছিল।
বৃহস্পতিবাৰে ৫৬৮গৰাকী লোকৰ দেহত কোভিড-১৯ পজিটিভ ধৰা পৰিছিল।
ইয়াৰ ভিতৰত অকল গুৱাহাটীতে ৩৫৫গৰাকী লোক আক্ৰান্ত হৈছিল।
বুধবাৰে ৬৯৬গৰাকী লোকৰ দেহত ধৰা পৰিছিল মাৰাত্মক কৰ’না ভাইৰাছৰ উপস্থিতি। ইয়াৰে ৪২৩ গৰাকী কেৱল গুৱাহাটী মহানগৰীতে আক্ৰান্ত হৈছিল।
সেইদৰে, মঙ্গলবাৰে ৮১৪ গৰাকী লোকৰ দেহত কোভিড-১৯ পজিটিভ ধৰা পৰিছিল আৰু ইয়াৰে ৫৮৮ গৰাকীয়েই মহানগৰী গুৱাহাটীৰ আছিল।
আনহাতে, সোমবাৰে দিনটোত মুঠ ৭৬৫ গৰাকী লোক কোভিড-১৯ পজিটিভ হিচাপে চিনাক্ত হৈছিল আৰু ইয়াৰে ৫৮৮গৰাকী আছিল গুৱাহাটীৰ।
গুৱাহাটীত ভয়ংকৰ ৰূপত গণ সংক্ৰমণ হোৱাৰ ফলত যোৱা ১৫ জুনৰ পৰা এতিয়ালৈকে প্ৰায় ৬,২৮৬ গৰাকী লোক ক’ৰ’নাত আক্ৰান্ত হৈছে।
