ৰাজ্যখনত বৃহস্পতিবাৰে নতুনকৈ ৫৬৮গৰাকী লোকৰ দেহত কোভিড-১৯পজিটিভ পোৱা গৈছে।
ইয়াৰ ভিতৰত অকল গুৱাহাটীতে ৩৫৫গৰাকী লোক আক্ৰান্ত হৈছে।
ৰাজ্যখনত মুঠ কোভিড-১৯ পজিটিভ ৰোগীৰ সংখ্যা ১৪৬০০গৰাকীলৈ বৃদ্ধি পালে।
ৰাজ্যত এতিয়ালৈকে ৯১৪৮গৰাকী লোকে আৰোগ্য লাভ কৰিছে। বৰ্তমান সক্ৰিয় ৰোগীৰ সংখ্যা হৈছে ৫৪২৩গৰাকী।
ৰাজ্যখনত কোভিড-১৯ত আক্ৰান্ত হৈ এতিয়ালৈকে ২৭গৰাকী লোকৰ মৃত্যু হৈছে।
বৃহস্পতিবাৰে নিশা এটা টুইটৰ জৰিয়তে ৰাজ্যখনৰ স্বাস্থ্য মন্ত্ৰী হিমন্ত বিশ্ব শৰ্মাই এই কথা সদৰী কৰিছে।
?Alert ~ 568 new #COVID19 patients recorded in Assam today, with 355 patients from Guwahati City alone.
I advise Ghy people not to panic & take proper care
↗️Total cases 14600
↗️Recovered 9147
↗️Active cases 5423
↗️Deaths 2711:25 PM/July 09/ Day's total 568#AssamCovidCount pic.twitter.com/RhXrPQyxjP
— Himanta Biswa Sarma (@himantabiswa) July 9, 2020
ৰাজ্যখনত বুধবাৰে ৬৯৬ গৰাকী লোকৰ দেহত ধৰা পৰিছিল মাৰাত্মক কৰ’না ভাইৰাছৰ উপস্থিতি। ইয়াৰে ৪২৩ গৰাকী কেৱল গুৱাহাটী মহানগৰীতে আক্ৰান্ত হৈছিল।
মঙ্গলবাৰে ৮১৪ গৰাকী লোকৰ দেহত ধৰা পৰিছিল কোভিড-১৯ পজিটিভ। ইয়াৰে ৫৮৮ গৰাকীয়েই মহানগৰী গুৱাহাটীৰ আছিল।
সোমবাৰে দিনটোত মুঠ ৭৬৫ গৰাকী লোক কোভিড-১৯ পজিটিভ হিচাপে চিনাক্ত হৈছিল আৰু ইয়াৰে গুৱাহাটীৰ ৫৮৮ গৰাকী আছিল।
সেইদৰে, দেওবাৰে গুৱাহাটীত মুঠ ৫৫২ গৰাকী লোক ক’ৰ’নাত আক্ৰান্ত হৈছিল।
ইয়াৰোপৰি শনিবাৰৰ দিনটোত সৰ্বাধিক ১২০২ গৰাকী ৰাজ্যত আক্ৰান্ত হোৱাৰ লগতে মহানগৰ গুৱাহাটীত ৭৭৭ গৰাকী আক্ৰান্ত হৈছিল।
গুৱাহাটীত শুক্ৰবাৰৰ দিনটোত একেলগে ১৩৪ গৰাকী আক্ৰান্ত হোৱাৰ লগতে ইয়াৰ পূৰ্বে বৃহস্পতিবাৰে ২৩৮ গৰাকী লোক কৰ’নাত আক্ৰান্ত হৈছিল।
গুৱাহাটীত ভয়ংকৰ ৰূপত গণ সংক্ৰমণ হোৱাৰ ফলত যোৱা ১৫ জুনৰ পৰা এতিয়ালৈকে প্ৰায় ৫৩৫৫ গৰাকী লোক ক’ৰ’নাত আক্ৰান্ত হৈছে।
উল্লেখযোগ্য যে, গুৱাহাটী মহানগৰীত ভয়ংকৰ ৰূপত বৃদ্ধি পাইছে সামাজিক (গণ) সংক্ৰমণ। যাৰ পৰিপ্ৰেক্ষিতত ১৪ দিনৰ বাবে সমগ্ৰ কামৰূপ মেট্ৰোত লকডাউন ঘোষণা কৰা হৈছে।