অৰুণাচল প্ৰদেশত ভাৰতীয় সেনাৰ সৈতে হোৱা সংঘৰ্ষত নিহত এন এছ এন(আইএম)ৰ ৬ সদস্য।
অৰুনাচল প্ৰদেশৰ খুনচাত ৬ নং অসম ৰাইফলচে এক সংবাদমেলত এই কথা ঘোষণা কৰিছে।
সংবাদমেলত কয় যে, অৰুনাচল প্ৰদেশৰ লংডিং জিলাত কালি এন এছ চি এন ( আই এম)ৰ সৈতে ৬ নং অসম ৰাইফলচৰ প্ৰচণ্ড গুলীয়াগুলীৰ ঘটনা সংঘটিত হৈছিল৷
উক্ত সংঘৰ্ষত ছয়জনকৈ কৈ এন এছ চি এন ( আই এম) গোটৰ সদস্য থিতাতে নিহত হৈছে৷
নিহত সদস্য কেইজনৰ পৰা সেনাই বৃহৎ পৰিমাণৰ অস্ত্ৰ-সস্ত্ৰ উদ্ধাৰ কৰিছে৷
আজি অৰুণাচল প্ৰদেশৰ খুনচাত ৬ নং অসম ৰাইফলচে এক সংবাদমেল আয়োজন কৰি উদ্ধাৰকৃত অস্ৰ-সস্ত্ৰসমূহ সংবাদ মাধ্যমৰ আগত ৰাজহুৱা কৰে৷
সংবাদমেলত সেনাই উগ্ৰপন্থী সংগঠনসমূহৰ কুটাঘাতমূলক কাৰ্যক বাধা দিবৰ বাবে সকলো সময়তে প্ৰস্তুত থকাৰ কথা সদৰী কৰাৰ লগতে অৰুণাচলত এন এছ চি এন ( আই এম) গোটে যুদ্ধবিৰতি উলংঘন কৰিলে উচিত প্ৰতুত্তৰ প্ৰদান কৰা হ’ব বুলি জানিবলৈ দিয়ে৷
বিঃদ্ৰঃ নিহত সদস্য সকলৰ ফটো আৰু জব্দ কৰা অস্ত্ৰ-শস্ত্ৰৰ ফটো লগত দিয়া হ’ল।
