দেওবাৰে নিশা হিমাচল প্ৰদেশৰ কুল্লু জিলাত সংঘটিত হয় এক ভয়াৱহ পথ দুৰ্ঘটনা। এখন যাত্ৰীবাহী টেম্পো ট্ৰেভেলাৰ নিয়ন্ত্ৰণ হেৰুৱাই পথৰ কাষত থকা দ খাৱৈত বাগৰি পৰাৰ ফলত সাতগৰাকী পৰ্যটকৰ মৃত্যু হোৱাৰ লগতে দহগৰাকী পৰ্যটক আহত হৈছে।
কুল্লুৰৰ আৰক্ষী অধীক্ষকগৰাকীয়ে জানিবলৈ দিয়া মতে কুল্লুৰ বাঞ্জাৰ উপত্যকাৰ ঘিয়াগী অঞ্চলত নিশা প্ৰায় ৮:৩০ বজাত পৰ্যটক কঢ়িয়াই নিয়া বাহনখন পথৰ পৰা খাৱৈত বাগৰি পৰে।
এই ভয়াৱহ দুৰ্ঘটনাটোত ৭ গৰাকী লোক থিতাতে নিহত হোৱাৰ বিপৰীতে ১০ গৰাকী আহত হয়। আহতসকলৰে কেইজনমানৰ অৱস্থা গুৰুতৰ বুলি তেওঁ লগতে উল্লেখ কৰে।
ইফালে পাঁচগৰাকী আহত ব্যক্তিক কুল্লুৰ জোনেল চিকিৎসালয়লৈ তাৎক্ষণিকভাৱে প্ৰেৰণ কৰাৰ বিপৰীতে আন ৫ গৰাকীক বাঞ্জাৰ চিকিৎসালয়ত ভৰ্তি কৰোৱা হয় বুলি তেওঁ লগতে জানিবলৈ দিয়ে।
HP | 7 people killed & 10 others injured after a tourist vehicle rolled down from a cliff at 8:30pm yesterday on NH-305 in Ghiyagi area of Banjar Valley in Kullu. 5 injured are shifted to Zonal hospital, Kullu & 5 are under treatment at Banjar in a hospital: Gurdev Singh SP Kullu pic.twitter.com/FX7GPxQq7T
— ANI (@ANI) September 26, 2022
দুৰ্ঘটনাটোত নিহত তথা আহত হোৱা পৰ্যটকসকল ৰাজস্থান, মধ্য প্ৰদেশ, হাৰিয়ানা আৰু দিল্লীকে ধৰি বিভিন্ন ৰাজ্যৰ আছিল আৰু তেওঁলোকৰ পৰিচয় ইতিমধ্যে চিনাক্ত কৰা হৈছে বুলি জানিব পৰা গৈছে।
