৭০ ঘন্টা পাৰ হৈ গ’ল। উত্তৰাখণ্ডৰ উত্তৰকাশীত নিৰ্মাণৰত সুৰংগত আবদ্ধ হৈ থকা ৪০ জন শ্ৰমিকক এতিয়াও উদ্ধাৰ কৰিব পৰা নাই উদ্ধাৰকাৰী দলে।
খবৰ অনুসৰি বুধবাৰে পুৱা পুনৰ ভূমিস্খলন হোৱাৰ ফলত উদ্ধাৰ অভিযান ব্যাহত হৈ পৰিছে।
ইফালে, ৭০ ঘণ্টা ধৰি চলা উদ্ধাৰ অভিযানৰ অন্তত আৱদ্ধ শ্ৰমিকসকলক উদ্ধাৰ কৰিব নোৱাৰাত স্থানীয় ৰাইজ ক্ষোভিত হৈ পৰিছে।
আজি পুৱা সুৰংগৰ বাহিৰত স্থানীয় বাসিন্দাই সকলে প্ৰতিবাদী কাৰ্যসূচী গ্ৰহণ কৰি শ্ৰমিক সকলক ক্ষীপ্ৰতাৰে উদ্ধাৰ কৰিবলৈ সাবী জনায়।
জানিব পৰা মতে, এই উদ্ধাৰ অভিযানৰ বাবে শেহতীয়াকৈ বাসয়ুসেনাৰ জোৱানকো নিয়োজিত কৰা হৈছে।
অৱশ্যে উদ্ধাৰকাৰী দলটোৱে সুৰংগটোত আবদ্ধ হৈ থকা শ্ৰমিকসকলক উদ্ধাৰৰ বাবে মঙলবাৰে নিশা নতুন ড্ৰিল মেচিনেৰে সুৰংগটো খান্দিবলৈ আৰম্ভ কৰিছে। কিন্তু গোটেই নিশা ড্ৰিলিং চলাৰ পিছতো পুৱালৈ বিশেষ অগ্ৰগ্ৰতি দেখা নগ’ল। যাৰ বাবে এতিয়া ক্ষোভিত হৈ পৰিছে ৰাইজ।
