অসমত ৭০১ নতুন ক’ভিড আক্ৰান্ত, ১৬৬৪ আৰোগ্য
৭০১গৰাকী ব্যক্তি বুধবাৰে অসমত ক’ভিড পজিটিভ চিনাক্ত হোৱাৰ বিপৰীতে ১৬৬৪গৰাকীয়ে আৰোগ্য লাভ কৰিছে।
৪২,৪৫২টা টেষ্টত এইসকলক ক’ভিড পজিটিভ পোৱা গৈছে।
পজিটিভৰ হাৰ হৈছে ১.৬৫ শতাংশ।
আৰোগ্যৰ হাৰ হৈছে ৮৬.৮৩ শতাংশ।
১,৭৬,০৭৫গৰাকী ব্যক্তিয়ে অসমত এতিয়ালৈকে ক’ভিডৰ পৰা আৰোগ্য লাভ কৰিছে।
অসমত বৰ্তমান সক্ৰিয় ৰোগী ২৫,৮০৭ (।)
মুঠ ২,০২,৭৭৪গৰাকী ব্যক্তি এতিয়ালৈকে অসমত ক’ভিড পজিটিভ চিনাক্ত হৈছে।
ইয়াৰে তিনিগৰাকী আন ঠাইলৈ স্থানান্তৰিত হৈছে।
ইপিনে আৰু পাঁচগৰাকী ক’ভিড১৯ ৰোগীয়ে বুধবাৰে অসমত প্ৰাণ হেৰুৱাইছে, মুঠ মৃতকৰ সংখ্যা ৮৮৯লৈ বৃদ্ধি পাইছে।
শেহতীয়াকৈ মৃত্যু হোৱা লোককেইগৰাকী হৈছে— কামৰূপ মহানগৰৰ বিভূতি চৌধুৰী (৭৮) আৰু অঞ্জলি দাস (৫৭), নগাঁৱৰ সুৰেন্দ্ৰ নাথ বৰা (৭৮), গোলাঘাটৰ লক্ষী শইকীয়া (৬৮) আৰু মাজুলীৰ ধৰ্মেশ্বৰ বৰুৱা (৬৭)।
স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য সদৰী কৰিছে।
? 7⃣0⃣1⃣ Cases detected out of 42452 tests conducted, with a positivity rate of 1.65%.
Kamrup M- 147
? 1⃣6⃣6⃣4⃣ patients discharged.
↗️Total cases- 202774
▶️ Recovered- 86.83%
▶️ Active cases- 12.72%
▶️ Deaths- 0.44%8:55 PM/ Oct 21#StayHomeStaySafe pic.twitter.com/POMPCfzfQL
— Himanta Biswa Sarma (@himantabiswa) October 21, 2020
মঙলবাৰলৈকে অসমত ৮৮৪গৰাকী ক’ভিড ৰোগীয়ে প্ৰাণ হেৰুৱাইছিল।