কিমান বিকৃত যৌন মানসিকতাৰ স্বীকাৰ হ’লে এগৰাকী ৮৭ বছৰীয়া বৃদ্ধাক ধৰ্ষণ কৰিব পাৰে! সকলোৰে মনত এনে প্ৰশ্ন উদয় হোৱাটো স্বাভাৱিক। এনে এক ঘৃণনীয় ঘটনাই সংঘটিত হৈছে ৰাষ্ট্ৰীয় ৰাজধানীত।
নতুন দিল্লীৰ তিলক নগৰ অঞ্চলত ধৰ্ষণৰ বলি হৈছে এগৰাকী ৮৭ বছৰীয়া বৃদ্ধা।দিল্লী আৰক্ষীৰ শীৰ্ষ বিষয়াই এই ঘৃণনীয় কাণ্ডৰ বিষয়ে অৱগত কৰিছে।
আৰক্ষীয়ে জনোৱা অনুসৰি, দেওবাৰে এজন জ্যেষ্ঠ নাগৰিকৰ জীৰ পৰা তিলক নগৰৰ এটা ঘৰৰ পৰা মোবাইল ফোন চুৰি হোৱাৰ লিখিত অভিযোগ পোৱা গৈছিল।
পৰৱৰ্তী সময়ত, ভাৰতীয় দণ্ডবিধিৰ (আইপিচি) ধাৰা 380 (বাসগৃহত চুৰি) অধীনত এখন এজাহাৰ পঞ্জীয়ন কৰা হৈছিল।
ইয়াৰ পিছতে অভিযোগকাৰীয়ে সোমবাৰে জনাইছিল যে চুৰি সংঘটিত হোৱা ঘৰটোৰ জ্যেষ্ঠ নাগৰিকজনক ধৰ্ষণ কৰা হৈছিল।
“আজি অভিযোগকাৰীৰ দ্বাৰা যৌন নিৰ্যাতনৰ অভিযোগ উত্থাপন কৰা হৈছে আৰু পৰৱৰ্তী সময়ত আইনৰ প্ৰাসংগিক ধাৰাবোৰ এজাহাৰত যোগ দিয়া হৈছে আৰু এটা তদন্ত গ্ৰহণ কৰা হৈছে।” আৰক্ষীয়ে জনায়।
আৰক্ষীয়ে লগতে কয় যে ভুক্তভোগীজনক সকলো প্ৰয়োজনীয় সহায় প্ৰদান কৰা হৈছে।
চাৰি মাহ পূৰ্বে ৰাষ্ট্ৰীয় অপৰাধ ৰেকৰ্ড ব্যুৰো (NCRB)ৰ মতে, দিল্লীয়ে দেশৰ সকলো মহানগৰৰ ভিতৰত মহিলাৰ বিৰুদ্ধে সৰ্বাধিক অপৰাধ নথিভুক্ত কৰিছিল।
