যোৱা কেইমাহমানত উদ্ধাৰ হৈছে এটাৰ পিছত এটাকৈ উদ্ধাৰ হৈছে ৯ টাকৈ মহিলাৰ মৃতদেহ। ইয়াৰ পিছতে সৃষ্টি হয় এক আতংকময় পৰিস্থিতিৰ। নিৰাপত্তাৰ সংশয়ত ত্ৰস্তমান হৈ পৰিছে সমগ্ৰ চহৰ।
এই ঘটনা ঘটিছে উত্তৰ প্ৰদেশৰ বাৰেইলীত। চলিত বৰ্ষৰ জুন মাহৰ পৰা চহৰখনত ৯ গৰাকী মহিলাক হত্যা কৰা হৈছে। এই হত্যাকাণ্ডসমূহলৈ লক্ষ্য ৰাখি উত্তৰ প্ৰদেশ আৰক্ষীয়ে অব্যাহত ৰাখিছে এক অজ্ঞাত ছিৰিয়েল কিলাৰৰ সন্ধান!
তাৰ সমান্তৰালকৈ আৰক্ষীয়ে স্থানীয় মহিলাসকলক অকলে ওলাই যাবলৈ সাহস নকৰিবলৈ তথা গোট বান্ধি থাকিবলৈ পৰামৰ্শ জাৰি কৰিছে। লগতে সমগ্ৰ চহৰৰ ৰাজপথত সতৰ্কতা বৃদ্ধি কৰা হৈছে।
প্ৰকাশিত খবৰ অনুসৰি, শ্বাহী, ফাতেহগঞ্জ পশ্চিম আৰু ছীছগড় অঞ্চলত বিগত কেইমাহমানৰ ভিতৰত অধিকাংশ হত্যাকাণ্ড সংঘটিত হৈছে। হত্যাৰ বলি হোৱা মহিলাসকল প্ৰায়ে ৫০ৰ পৰা ৬৫ বছৰ বয়সৰ লোক।
আৰক্ষীয়ে সদৰী কৰা মতে, আটাইকেইগৰাকী মহিলাকে ডিঙি চেপি হত্যা কৰা হৈছে আৰু তেওঁলোকৰ মৃতদেহ পথাৰত উদ্ধাৰ কৰা হৈছে। লক্ষনীয়ভাৱে কোনো এটা মৃতদেহতে যৌন নিৰ্যাতনৰ কোনো চিন নাই।
এনে চাঞ্চল্যকৰ হত্যাকাণ্ডসমূহক কেন্দ্ৰ কৰি স্থানীয় লোকসকলে নিতান্তই প্ৰয়োজনীয় নহ’লে ঘৰৰ পৰা ওলাই অহাৰ পৰা বিৰত থকা বুলি জানিবলৈ দিয়ে।
হত্যাৰ বলি হোৱা এগৰাকী মহিলাৰ কন্যাই উল্লেখ কৰা মতে তেওঁৰ ৫৫ বৰ্ষীয় মাতৃ বহু সময় ধৰি পথাৰৰ পৰা ঘূৰি নোযোৱাৰ বাবে পৰিয়াল আৰক্ষীৰ কাষ চাপে।
কিন্তু পিছদিনা পুৱাই চুপাৰিৰ ফাৰ্মৰ পৰা মহিলাগৰাকী মৃতদেহ উদ্ধাৰ কৰা হয় বুলি জানিবলৈ দিয়ে যুৱতীগৰাকীয়ে।
এই ছিৰিয়েল কিলাৰৰ সন্ধানৰ বাবে আৰক্ষীয়ে আঠজন বিষয়াৰ দ্বাৰা এটা দল গঠন কৰাৰ বিপৰীতে সমগ্ৰ চহৰখনতে আৰক্ষীৰ দ্বাৰা টহল বৃদ্ধি কৰি তুলিছে।
বাৰেইলি চহৰৰ আৰক্ষী অধীক্ষকগৰাকীয়ে উল্লেখ কৰা মতে, মহিলাসকলৰ মৰণোত্তৰ পৰীক্ষাৰ প্ৰতিবেদনৰ বাবে অপেক্ষা কৰা হৈছে। তাৰ পিছত তেওঁলোকৰ মৃত্যুৰ কাৰণ প্ৰকাশ কৰা হ’ব।
