ৰাজ্যখনত শুকুৰবাৰে নতুনকৈ আৰু ৯৩৬গৰাকী লোকৰ দেহত কোভিড-১৯ পজিটিভ ধৰা পৰিছে।
ইয়াৰ ভিতৰত অকল গুৱাহাটীতে ৫২১গৰাকী লোক আক্ৰান্ত হৈছে।
ৰাজ্যখনত মুঠ কোভিড-১৯ পজিটিভ ৰোগীৰ সংখ্যা ১৫৫৩৬গৰাকীলৈ বৃদ্ধি পালে।
ৰাজ্যত এতিয়ালৈকে ৯৮৪৮গৰাকী লোকে আৰোগ্য লাভ কৰিছে। বৰ্তমান সক্ৰিয় ৰোগীৰ সংখ্যা হৈছে ৫৬৫০ গৰাকী।
ৰাজ্যখনত কোভিড-১৯ত আক্ৰান্ত হৈ এতিয়ালৈকে ৩৫গৰাকী লোকৰ মৃত্যু হৈছে।
শুকুৰবাৰে নিশা এটা টুইটৰ জৰিয়তে ৰাজ্যখনৰ স্বাস্থ্য মন্ত্ৰী হিমন্ত বিশ্ব শৰ্মাই এই কথা সদৰী কৰিছে।
📌Alert ~ 936 new #COVID ve+ cases in Assam, 521 in Guwahati alone.
Times are trying, indeed. With vigilance, precautions & care, we shall overcome.
↗️Total cases 15536
↗️Recovered 9848
↗️Active cases 5650
↗️Deaths 3511:55 PM/July 10/ Day's total 936#AssamCovidCount pic.twitter.com/FZ1HRdqqff
— Himanta Biswa Sarma (@himantabiswa) July 10, 2020
ৰাজ্যখনত বৃহস্পতিবাৰে ৫৬৮গৰাকী লোকৰ দেহত কোভিড-১৯পজিটিভ পোৱা গৈছিল।
ইয়াৰ ভিতৰত অকল গুৱাহাটীতে ৩৫৫গৰাকী লোক আক্ৰান্ত হৈছিল।
বুধবাৰে ৬৯৬গৰাকী লোকৰ দেহত ধৰা পৰিছিল মাৰাত্মক কৰ’না ভাইৰাছৰ উপস্থিতি। ইয়াৰে ৪২৩ গৰাকী কেৱল গুৱাহাটী মহানগৰীতে আক্ৰান্ত হৈছিল।
সেইদৰে, মঙ্গলবাৰে ৮১৪ গৰাকী লোকৰ দেহত ধৰা পৰিছিল কোভিড-১৯ পজিটিভ আৰু ইয়াৰে ৫৮৮ গৰাকীয়েই মহানগৰী গুৱাহাটীৰ আছিল।
আনহাতে, সোমবাৰে দিনটোত মুঠ ৭৬৫ গৰাকী লোক কোভিড-১৯ পজিটিভ হিচাপে চিনাক্ত হৈছিল আৰু ইয়াৰে গুৱাহাটীৰ ৫৮৮ গৰাকী আছিল।
গুৱাহাটীত ভয়ংকৰ ৰূপত গণ সংক্ৰমণ হোৱাৰ ফলত যোৱা ১৫ জুনৰ পৰা এতিয়ালৈকে প্ৰায় ৫৮৭৬ গৰাকী লোক ক’ৰ’নাত আক্ৰান্ত হৈছে।
উল্লেখযোগ্য যে, গুৱাহাটী মহানগৰীত ভয়ংকৰ ৰূপত বৃদ্ধি পাইছে সামাজিক (গণ) সংক্ৰমণ। যাৰ পৰিপ্ৰেক্ষিতত ১৪ দিনৰ বাবে সমগ্ৰ কামৰূপ মেট্ৰোত লকডাউন চলি আছে।
