ক’ৰ’না ভাইৰাছে সমগ্ৰ বিশ্বৰ লগতে গ্ৰেইট বৃট্ৰেইনতো সংহাৰীৰূপ ধাৰণ কৰিছে। ইতিমধ্যে বৃট্ৰেইনৰ যুৱৰাজ চাৰ্লছৰ লগতে ইংলেণ্ডৰ প্ৰধানমন্ত্ৰী বৰিছ জনছনো ক’ৰ’নাৰ দ্বাৰা আক্ৰান্ত হৈছে।
বৃট্ৰেইনত ভাৰতৰ শ শ শিৰ্ক্ষাৰ্থীয়ে শিক্ষা গ্ৰহণ কৰি আছে। ক’ৰ’নাংকৰ বাবে শংকিত হৈ পৰা এই শ শ শিক্ষাৰ্থীয়ে বৃট্ৰেইনতে আৱদ্ধ হৈ থকাত পৰিয়ালৰ লোকৰ সৈতে শিক্ষাৰ্থীসকলো দুঃচিন্তাত পৰিছে।
বৃট্ৰেইন অধ্যনৰত ভাৰতৰ এই অসহায় শ শ শিক্ষাৰ্থীয়ে এই বিপদৰ পৰা উদ্ধাৰ কৰিবলৈ প্ৰধানমন্ত্ৰী নৰেন্দ্ৰ মোদীক অনুৰোধ জনাইছে।
তেওঁলোকে প্ৰধানমন্ত্ৰী নৰেন্দ্ৰ মোদীক বিশেষ বিমানেৰে বৃট্ৰেইনৰ পৰা ভাৰতলৈ আনিবলৈ আহ্বান জনাইছে।
উল্লেখ্য যে, ক’ৰ’নাতংকৰ বাবে যোৱা ২২ মাৰ্চৰ পৰা দেশত আন্তজাৰ্তিক বিমানৰ প্ৰৱেশ নিষিদ্ধ কৰা হৈছে।
আন্তজাৰ্তিক বিমান প্ৰৱেশ নিষিদ্ধ হোৱাৰ বাবে প্ৰায় ৩৮০ জনৰো অধিক ভাৰতীয় শিক্ষাৰ্থীয়ে বৃট্ৰেইনত আৱদ্ধ হৈ থাকিবলগীয়া হৈছে।
উল্লেখ্য যে বৃট্ৰেইনতো ক’ৰ’না ভাইৰাছৰ আতংকৰ বাবে শিক্ষানুষ্ঠান বন্ধ কৰাৰ লগতে পৰীক্ষাসমূহো স্থগিত ৰখা হৈছে।
কিছুমান শিক্ষাৰ্থীৰ পৰীক্ষা ইতিমধ্যে সমাপ্ত হ’ল যদিও ভাৰতত আন্তঃৰাষ্ট্ৰীয় বিমান প্ৰৱেশ নিষিদ্ধ কৰাৰ ফলত তাতে আৱদ্ধ হৈ আছে।
ইয়াৰে কিছুমান শিক্ষাৰ্থী ভিছা ম্যাদ শেষ হৈছে। অৱশ্যে ব্ৰিটিছ গৃহ বিভাগে বিদেশৰ শিক্ষাৰ্থীসকলৰ পেচাগত ভিছাৰ ম্যাদ ৩১ মে’লৈ বৃদ্ধি কৰিছে।
