স্বামীহাৰা মহিলাক শাৰিৰীক আৰু মানসিক নিৰ্যাতনৰ লগত জড়িত শিৱসাগৰৰ প্ৰতিষ্ঠিত ব্যৱসায়ী ৰফিকুল হাজৰিকা ওৰফে বাবুজান হাজৰিকাক শিৱসাগৰ আৰক্ষীয়ে গ্ৰেপ্তাৰ কৰে।
শিৱসাগৰৰ এগৰাকী মহিলাৰ এজাহাৰৰ ভিত্তিত শিৱসাগৰ আৰক্ষীয়ে ৩৯০/২০২০ U/S448/294(B)506/323/376/384 নম্বৰৰ গোচৰৰ অধীনত শুকুৰবাৰে নিশা এক গোপন সূত্ৰৰ পম খেদি দেৰগাঁৱৰ পৰা শিৱসাগৰ আৰক্ষীয়ে আটক কৰে ৰফিকুল হাজৰিকা ওৰফে বাবুজানক।
উল্লেখযোগ্য যে শিৱসাগৰৰ এগৰাকী স্বামীহাৰা মহিলাক দুবছৰ ধৰি শাৰীৰিক আৰু মানসিক অত্যাচাৰ চলোৱাৰ লগতে ব্লেক মেইলিং আৰু প্ৰাণে মৰাৰ ভাবুকি প্ৰদান কৰিছিল এইজন প্ৰতিষ্ঠিত ব্যৱসায়ীয়ে।
মহিলাগৰাকীয়ে ফেচবুক লাইভ যোগে সমষ্ট কথা ৰাজহুৱা কৰিছিল।
নৰ্থ-ইষ্ট নাওত এই বাতৰ সম্প্ৰচাৰ হোৱাৰ পাছতেই তৎপৰ হৈ পৰে শিৱসাগৰ আৰক্ষী। অৱশেষত শিৱসাগৰ আৰক্ষীয়ে ৰফিকুল হাজৰিকা ওৰফে বাবুজানক শুকুৰবাৰে নিশা দেৰগাঁৱৰ পৰা গ্ৰেপ্তাৰ কৰে।
উল্লেখযোগ্য যে ইয়াৰ পূৰ্বে নিজ পত্নীক হত্যাৰ গোচৰতো সাঙোৰ খাই পৰিছিল এই ব্যৱসায়ী গৰাকীৰ নাম।
নাৰী কেলেংকাৰিত জড়িত এইজন প্ৰতিষ্ঠিত ব্যৱসায়ীক শিৱসাগৰ আৰক্ষী থানাত জেৰা চলাই থকা হৈছে বুলি জানিব পৰা গৈছ।
