এয়াৰ ইণ্ডিয়াই শনিবাৰৰ পৰা ইয়াৰ নিৰ্বাচিত বিমানৰ বুকিং আৰম্ভ কৰিছে।
ঘৰুৱা বিমানসমূহত ৪ মে’ আৰু আন্তঃৰাষ্ট্ৰীয় বিমানসমূহ ১ জুনৰ পৰা বুকিং দিয়া হৈছে।
দেশজোৰা লকডাউনৰ বাবে এয়াৰ ইণ্ডিয়াই সকলো ঘৰুৱা বিমানৰ বুকিং ৩ মে’ আৰু আন্তঃৰাষ্ট্ৰীয় বিমানৰ বুকিং ৩১ মে’ পৰ্য্যন্ত বন্ধ ৰাখিছে।
ক’ভিড-১৯ প্ৰতিৰোধৰ বাবে প্ৰধান মন্ত্ৰী নৰেন্দ্ৰ মোদীয়ে জাৰি কৰা লকডাউন অহা ৩ মে’লৈকে বঢ়াই দিয়া হৈছে।
ৰাজহুৱা খণ্ডৰ এয়াৰ ইণ্ডিয়াক বাদ দি বেছিভাগ এয়াৰলাইনেই প্ৰথম পৰ্য্যায়ৰ লকডাউন অৰ্থাৎ ১৪ এপ্ৰিলৰ পিছলৈ টিকেট বুকিং আগবঢ়াই আহিছিল।
প্ৰধান মন্ত্ৰী নৰেন্দ্ৰ মোদীয়ে ২৫ মাৰ্চৰ পৰা ১৪ এপ্ৰিললৈকে প্ৰথম পৰ্য্যায়ৰ লকডাউনৰ আহ্বান জনাইছিল।
শেহতীয়াকৈ ডি জি চি এই এয়াৰলাইনসমূহক লকডাউনৰ সময়ৰ বুকিঙৰ ধন গ্ৰাহকে ওভতাই বিচাৰিলে ঘূৰাই দিয়াৰ নিৰ্দেশ দিছিল।
২৫ মাৰ্চৰ পৰা আৰম্ভ হৈ বৰ্তমান ৩ মে’লৈকে বৰ্ধিত হোৱা লকডাউনৰ সমগ্ৰ কালচোৱাৰ বাবে বুকিং আগবঢ়োৱা এয়াৰলাইনসমূহে গ্ৰাহকে বিচাৰিলে টিকেটৰ ধন ওভটাই দিব লাগিব।
তিনি সপ্তাহৰ ভিতৰত এই ধন ওভতাই দিবলৈও নিৰ্দেশটোত কোৱা হৈছে।
