COVID-19ৰ সংক্ৰমণ প্ৰতিৰোধৰ বাবে যিসময়ত সমগ্ৰ দেশ ল’কডাউনত বন্দী হৈ আছে সেই সময়তে আন এটা বিষয় এতিয়া মানুহৰ বাবে চিন্তাৰ কাৰণ হৈ পৰিছে। সেয়া জনসংখ্যা বিদ্ধীৰ আশংকা।
ল’কডাউনত সকলো মানুহ এতিয়া ঘৰত সুমাই থকাৰ ফলত যাতে অবাঞ্চিত গৰ্ভধাৰণ বাঢ়ি নাযায় তাৰ বাবে উত্তৰ-প্ৰদেশ চৰকাৰে ৰাজ্যখনত ঘৰে ঘৰে গৈ কনডম আৰু গৰ্ভিনৰোধক কিট দিয়াৰ ব্যৱস্থা হাতত লৈছে।
ZeeNewsৰ বাতৰিত প্ৰকাশ পোৱা মতে উত্তৰ-প্ৰদেশৰ বালিয়া জিলা প্ৰশাসনে চিকিৎসা কৰ্মীসকলক জিলাখনৰ ঘৰে ঘৰে গৈ কনডম, গৰ্ভিনৰোধক ঔষধ তথা আন জন্ম নিয়ন্ত্ৰক কিট যোগান ধৰিবলৈ নিৰ্দেশ দিয়ে।
ল’কডাউনৰ সময়ছোৱাত এতিয়ালৈকে জিলাখনত প্ৰায় ৩০ হাজাৰ কনডম বিতৰণ কৰা হয়। Asha নামৰ এটা বচৰকাৰী সংস্থাৰ লগতে ASHA কৰ্মী আৰু ANM সকলে ঘৰে ঘৰে গৈ মহিলাসকলক গৰ্ভনিৰোধক পিল আৰু পুৰুষসকলক কনডম বিতৰণ কৰে।
